بعد تصدرها التريند.. التفاصيل كاملة لخلاف ميار الببلاوي مع رجل دين

كتبت: بسملة حسين

انهارت الفنانة ميار الببلاوي أثناء ظهورها في بث مباشر عبر حسابها الخاص على موقع انستجرام بسبب شيخ اتهمها بالزنا قالت: “النهاردة حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة، ومرضتش أسيبها لوحدها”.

وتابعت: “وقلت هروح معاها وأسلم عليها، وأنا داخلة، أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء، ولكن سبحان الله يمكن نزغ شيطان أو فتنة أو حديث نفس، ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه”.

وأضافت ميار الببلاوي: «أول ما شيخنا الجليل شافني وأنا كنت بحبه جداً وبتابعه وأقول نفسي يكون معايا في حلقة، وسلمت عليه، وقال لي إنتِ جيالي علشان حطيتك على المرجيحة امبارح، فقلت له مش فاهمة، فقال لي أصل امبارح كنت جاي عليكِي جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنتي قولتيه مع بسمة)، لكن ما حدش فكر أنه معمول مونتاج علشان يطلع تريند ونص الكلام مقصوص من الفيديو».

واستكملت: “لما شفت الفيديو، لقيته متكلم عليا وحش وخاض في عرضي، حسبي الله ونعم الوكيل فيك، أنا سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي”.

يشار إلى إنه اتخذت ميار الببلاوي إجراءات قانونية ضد الشيخ محمد أبو بكر، ووكلت المحامي الخاص بها لرفع دعوى قضائية على الشيخ محمد أبو بكر، بسبب خوضه في عرضها واتهامها بالزنا.

وكان للفنانة ميار الببلاوي مشوار فني كبير في فتره التسعينات من الاعلانات إلى التليفزيون والمسرح، وتزوجت ميار الببلاوي من المنتج السعودي عبدالله الكاتب ووصفته بحب حياتها الذي خاضت من أجله حرب مع أهلها الذي اعترضوا على زواجها من غير مصري.

Views: 9