عقب انتهاء مسلسل الآنسة فرح، نشر الفنان أحمد مجدي عبر حسابه على “الإنستجرام” مجموعة صور من كواليس مشهد النهاية الذي احتوى على زواج فرح وشادي.
وعلق أحمد مجدي على الصور قائلا: “أول ما اتعرض عليا مسلسل الآنسة فرح تفاءلت بسبب العناية والمجهود المبذول في تقديم ملف واضح ومتماسك للعمل، ولما قعدت مع المنتجة سالي واللي كنت متحمس جدًا وطلبت مني أزوّد وزني حوالي 10 كيلو، التحضير لشخصية شادي والشغل عليها لمدة 3 سنين أثّر في حياتي وفي حياة اللي حواليا بأشكال كتير”.
وأضاف أحمد مجدي: “كنت محتاج أعمل نقلة على المستوى الجسدي والنفسي، والدور ساعدني في ده، متشكر جدًا للإنتاج الجدع المخلص والناس الشاطرة اللي عارفة شغلها واللي اتعلمت منها كتير”.
وأكمل: “متشكر لأسماء أبو اليزيد الجميلة المحترمة اللي عشت معاها لحظات فنية وإنسانية سابت فيّا الأثر اللي بمثل عشان ألاقيه، وشكرًا لرانيا ومريم وهبة وتامر وكيلاني وعارفة وكل اللي مثلوا في المسلسل”.
وتابع: “اختيار الممثلين من أول لحظة لحد نهاية المسلسل، لو حتى هيعدّي بس قدام الكاميرا، اتبذل فيه مجهود كبير من وائل فرج وطاقم الإخراج، اللي أضاف ليا كتير وأصبحوا أصدقاء حقيقيين، وعمري ما أنسى حسن عتيق وإيمان من قسم الديكور والإكسسوار وكل الطاقم الجميل وعبد الرؤوف وديشا في التصوير والإضاءة وكل الشباب الجامد، القائمة لا تنتهي، عمل أخد سنين وأتمنى نفضل نعمله على طول”.
ويعد مسلسل “الآنسة فرح” من بطولة أسماء أبو اليزيد، رانيا يوسف، أحمد مجدي، محمد كيلاني، تامر فرج، عارفة عبد الرسول، مريم الخشت، هبة عبد العزيز وجيلان علاء، والمسلسل سيناريو وحوار محمود عزت وعمرو مدحت، وإخراج وائل فرج.
Views: 15
مساحة إعلانية
مساحة إعلانية