كتبت آية محمد خلف الله
تصدر اسم الفنان عمر كمال تريند مؤشر جوجل بعد ظهوره مع الإعلامية أميرة بدر في برنامج “خلاصة الكلام”، الذي يُعرض على قناة النهار.
تصريحات عمر كمال في برنامج خلاصة الكلام:
-من ساعة لما ظهرنا والفئة بتاعتنا بتتهاجم ومش عارف ليه، بحاول الاقي مبرر مش لاقي، في ناس عندها نظرة طبقية شوية، يعني حد مننا مينجحش لكن اللي برا ينجح.
-بعض الناس بتقول أن اللي معاه شهادة بس هو اللي ينجح، ودول مش كل الناس.
-أنا وحسن وبيكا أقوى مع بعض، ولما اتفرقنا نجاحنا اتفرق مبقاش نفس قوته، ولما بنجتمع دائماً بننجح نجاح حلو.
-العربيات بتاعتنا، وأنا اشتغلت وتعبت وجالي عربية بنتلي قبل كده هدية، وبيعتها لأنها مش عملية خالص ومش نافعة معايا.
– أنا عندي كنز مدفون اللي هو الغناء العادي بتاعي لسة محطتش إيدي عليه.
-المهرجانات والشعبي أضاف ليا وليا الشرف إني غنيتهم، ولكن أنا بحس أني بلاقي نفسي في اللون بتاعي الأساسي.
-لينا أغاني عدت حدود الوطن العربي، وكرم من ربنا لما تمشي في شارع تايم سكوير وتلاقي اسمك كان إحساس بكرم ربنا، وبرغم كل ده أنا عمري ما شوفت نفسي على حد.
-أنا طالع من حارة وحتت بسيطة، ومكنتش أتخيل في يوم أن ربنا هيوصل صوتي لبلد بينا وبينها 16 ساعة طيران، والناس ممكن تعرف إني جاية الحفلة ولكن استحالة أن حد يتعرف عليك في أمريكا، ولما واحدة عرفتني وأنا بتعشى كنت حاسس إني عايز أرجع مصر أهد الدنيا.
-لما روحت أمريكا بعد كورونا بسنة مكنتش أعرف إنجليزي، وكان معايا راجل بيترجم ليا، ونصحني وقال لي هات 1000 دولار وحطها في بنك أمريكي وافتح حساب وهتنفعك في الغلاء، وكنا في لوس أنجلوس وأنا هوسي في الحياة الأفلام الوثائقية وكنت قرأت تقرير أن لوس أنجلوس فيها يوميًا 50 حالة سرقة لبنوك، لكن قلت استحالة ده يحصل فيا وكنت منبهر بالنظام، كنت قاعد وماسك الموبايل لقيت راجل بيزعق مع الست اللي على الشباك، وضرب على الإزاز، والراجل اللي جمبي قال لي خلي بالك لو هتعرف تزحف وتطلع بره أو نام على بطنك وحط إيدك على راسك، قلت له ليه، قال لي الراجل ده معاه قنبلة وهيفجرها، وأنا كنت فاكر فيه مشكلة في الحساب لكن كان بيقول لو محطتيش الفلوس هفجر الدنيا كلها.
-مكنتش بنام غير بأدوية ومهدئات، وسلوكي مكنتش مظبوطة، والأدوية كانت مأثرة عليا لدرجة أن ممكن حد ياخد مني مبلغ وأنسى خالص، وكنت باخد الأدوية دي بدون علم وناس وصفتلي ودخلت في متاهة.
-ممكن أكون في علاقة وعصيت ربنا، فا ربنا يديني قلم ويكسرني علشان يسمع صوتي.
-نفسي طبعًا يكون في واحدة تمشي معايا الرحلة، والمهم أن هي تيجي تبني معايا مستقبلي مش جاية تبني مستقبلها هي، ونص اللي بقابلهم جايين يأمنوا مستقبلوهم هما، ودول أغبياء جدًا وبيبانوا في الأول.
-مطلعتش مع رامز جلال لأنه كان هيجيب واحدة مش عايز اسمي يتربط بيها، ومفرفقش معايا فلوس البرنامج.
أعمال عمر كمال
ومن أهم أعماله الغنائية: انتي معلمة، ولغبطيطا، بنت الجيران.
ومن أحدث أعماله الغنائية: قصف جبهة، أنا في البلد عضمة، موال ابني.
كما قام بالغناء في مسلسل النمر عام 2021 و أيضاً شارك بالتمثيل في مسلسل بين السما والأرض عام 2021 في دور ديشا.
Views: 2
مساحة إعلانية
مساحة إعلانية