حوار آلاء مؤمن
بلوجر لها العديد من الصور تشبه سندريلا الصغيرة بعيونها الجذابة والتي أثارت الجدل بعقد قرآنها أونلاين عن طريق موقع التواصل الإجتماعي “فيسبوك”، التي إستطاعت من أجلها جذب الإنتباه إليها، صاحبة مقولة: “سلمولي على الحجج والأعذار”.
وهي البلوجر فاطمة محمد عبد اللطيف، التي تبلغ من العمر 23 سنه بدأت رحلتها عبر السوشيال ميديا منذ خمس سنوات وظهر لها العديد من الصور التي تشبه سندريلا الصغيرة.
وبسبب ما أثارته فاطمة من جدل على مواقع التواصل الإجتماعي، كان لها حوار خاص مع موقع القائد نيوز، للحديث عن زوجها وعن فكرة عقد القرآن أونلاين، وجاء الحوار كالآتي:
معرفتك بزوجك كانت عن طريق السوشيال ميديا أم معرفة سابقة؟
كانت معرفة سابقة من و إحنا في المدرسة من 15 سنة.
ما شعورك عندما عُقد قرآنك أونلاين؟
هو كان شعور حلو ووحش في نفس الوقت عشان هو مش موجود بس كان أجمل إحساس عشان أخيراً وبعد معافرة ومشاكل كتير وخلافات وبعد حب 15سنة، أخيراً بقيت مراته ده أجمل شعور في الدنيا وفي حياتي.
كيف استقبلتي ردود أفعال والديكي عندما عُقد قرآنك أونلاين.. هل رفضوا هذه الفكرة؟
بالعكس كانوا موافقين عشان إحنا مع بعض بقالنا كتير ومخطوبين من 6 سنين ووخدين بعض عن حب بس الظروف خليتنا نبعد عشان هو سافر وبقا في بلد تانيه بس مبعدناش عن بعض بردو رغم الظروف الحمد الله وفضلنا مكملين سوا.
ما سبب إختيارك لكلمة “سلمولي على الحجج والأعذار”؟
لأن في كتير من الشباب بتتحجج بالظروف ولكن بيكون في إصرار لما يكون في حب والشخص يواجه الصعب ومش بيتلكك بالظروف ولكن زوجي رغم بعد المسافة هو في بلد وأنا في بلد أخرى لم يعجز ولم يتحجج بالظروف فاحسيت أنها كلمة مناسبة.
نصيحه مني بجد خدي الشخص إللي شاريكي اللي يحارب الدنيا كلها عشانك واللي يتحده العالم كله عشانك عشان الراجل لما بيكون عايز يعمل حاجه بيعملها بجد ومش بيهمو حد.
Views: 672
مساحة إعلانية
مساحة إعلانية