تصريحات وحوارات خاصة

زاهي حواس للقائد نيوز : “ما هو مكتوب في الدين مش موجود في الآثار”

حوار الصحفي : أحمد سالم

دكتور زاهي حواس هو عالم مصري بارز في مجال علم الآثار، ولد في مصر عام 1947، حصل على ليسانس الآداب في الآثار اليونانية والرومانية من جامعة الإسكندرية عام 1967، وفي عام 1979، حصل دكتور زاهي على دبلوم في علم المصريات من جامعة القاهرة، ثم عمل في الأهرامات الكبرى كمفتش، وهو مزيج من المسؤول وعالم الآثار.

وجاء في حوار خاص مع القائد نيوز دكتور زاهي حواس :

فارس موضوع اليوم هو شخصية فذه عالم الآثار زاهي حواس دكتور زاهي ممكن تعرفنا عن نفسك برؤس أقلام؟ 

انا اسمي زاهي حواس، عالم آثار، معروف بشغفي وحبي لتاريخ مصر.

لديك العديد من الروايات مثل رواية لعنة الفراعنة ولعنة المومياء وجنون إسمه الفراعنة وخوفو وذات العيون الذهبية لماذا اختيرت ذلك الأسامي لكل رواية وما هو الدافع لكتابتها وهل كل رواية لك لها قصة ما؟

لا، أنا مكتبتش غير رواية واحدة وهي خوفو وذات العيون الذهبية، الباقي كلها كتب علمية، والروايات اللي كتبتها لأني بحب الملك خوفو، كتبت عنه مقالات علمية كثيرة في قولت لازم أكتب عنه.

ما علاقة الكتب الدينية بالآثار المصرية؟ خصوصاً أن ناس بتقول إن رمسيس الثاني هو فرعون أيام سيدنا موسي والملك أمنحوتب هو سيدنا يوسف وناس تانية بتقول لا هو عاش أيام أخناتون فـ ممكن نعرف من دكتور زاهي حواس عن هذا الموضوع؟ 

لا يوجد صلة بين الدين والآثار، لأن ما هو مكتوب في الدين مش موجود في الآثار، لإن الفراعنة مثلاً لا يمكن يسجلوا هزيمة الفرعون، لإن لو سجلها ميبقاش إله، واحنا طلعنا 30 ٪ من آثارنا ما زال فيه 70 ٪ احتمال يكون هناك إشارات إن هناك أنبياء الله، لكن طبعاً احنا بنؤمن بما كُتب في الكتب السماوية إن سيدنا موسى، سيدنا إبراهيم، سيدنا يوسف، كانوا موجودين في مصر.

إيه تعقب حضرتك على ما قاله دكتور مجدي شاكر إن الجنس البشري موجود قبل سيدنا آدم؟ 

محدش يقدر يقول الكلام ده إطلاقاً، احنا نقدر نقول إن مصر فيها فترات تاريخية زي العالم كله، عصور ما قبل التاريخ، تنقسم إلى أقسام، لكن إن جه قبل سيدنا آدم ولا مجاش محدش يقدر يقر كلام محتاج إلى التوثيق.

حدثنا عن آخر تطورات عودة الآثار المصرية المسروقة؟ 

أنا رجعت 6000 قطعة أثرية، ودكتور خالد عناني، بعدي رجع في نفس الآثار وبحاول ارجع دلوقتي حجر رشيد والقبة السماوية ورأس تفل.

هل دكتور زاهي حواس بيفكر في حاجه معينة دلوقتي؟ 

احنا بندور على رأس نفرتيتي، بندور على مومياء الملكة نفرتيتي ب Dna، بندور على الأسوار الموجودة خلف أبواب الهرم، بندور على مقبرة الملكة نفرتيتي في وادي الملوك، بنتوسع في اكتشاف المدينة الذهبية في الأقصر.

ما علاقتك بكرة القدم هل تعتبرها حضارة لمصر؟ 

أنا بحب كرة القدم، بحب الأهلي، وحاجه جميلة جداً إن يبقي عندنا كرة قدم كويسة.

ليه الأفلام السينمائية في مصر مش بيعملوا حاجه عن الآثار؟ 

إمكانيات، يمكن الأفلام اللي اتعملت عن الآثار عايزه إمكانيات ضخمة، ممكن الإمكانيات دي مش موجودة بس بعد ما عملوا مسلسل الحشاشين، أعتقد يقدروا يعملوا عن الآثار.

من هو خليفة زاهي حواس في الآثار؟

كثير في شباب طموح، كويس يقدروا يبقوا خليفة من بعدي.

إيه أهم نقاط توجهها للشباب الطموح الذي يدرس الآثار أو مهتم بالآثار؟

العشق، أي شاب في الدنيا عايز ينجح في أي حاجه، لازم يعشق الحاجه اللي بيبحبها.

Views: 137

مساحة إعلانية

مساحة إعلانية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مساحة إعلانية

زر الذهاب إلى الأعلى

أنت تستخدم إضافة Adblock

بنعتذر عن المضايقة، لكنك بتستخدم إضافة adblock اللي بتمنعك من تصفح الموقع في الوقت الحالي، برجاء اغلاقها واعادة المحاولة