إيمي الجندي ممثلة مصرية شاركت في العديد من الأعمال الفنية، مثل “في بيتنا روبوت”، “حلوة الدنيا سكر” ، “ولاد ناسط، و” قصر النيل”.
أستطاعت إيمي الجندي أن تجذب الأنظار لها، بسبب موهبتها الكبيرة من خلال مشاركتها في مسلسل “أعمل ايه” مع الفنان خالد الصاوي والفنانة صابرين.
الفنانة إيمي الجندي في حوار مهم وخاص للقائد نيوز
وإليكم نص الحوار ؛-
–قمتي بالتمثيل في أعمال فنية كثيرة منها سوبر ميرو، ولد الغلابه، إيه أكتر عمل قمتي بعمله كان محبب ليكي وقريب لقلبك ؟
– أقرب الأعمال الفنية إلى قلبي مسلسل “أعمل إيه “
_ و إيه سبب الحب لمسلسل “أعمل إيه” ؟
أنا حبيت الشخصية بتاعت فايزة أوي أوي وحبيت كل حاجة، حبيت المسلسل بكل كواليسه بصراحة، فهو أقرب عمل لقلبي لأنه كمان شخصية فايزة حاجة بعيدة ومختلفة خالص.
– هل كان في صعوبة واجهتك في شخصية فايزة ؟
فكرة الصعوبة إنه كان حاجة مختلفة و كنت خايفة من رد فعل الجمهور ، بس الحمد لله رد الفعل كان لطيف.
_ توجهي إيه لمبادرة العمل والشباب المُقبل على العمل ؟
هو أنا بس عايزة أقولهم حاجة واحدة إن أي حد ما ييأس ولازم يكون عندهم أمل لأن دي أهم حاجة طول الوقت دوروا وأسعوا هي هتيجي هتيجي أشتغل في أي حاجه بس أنت لازم تتعب عشان ربنا يديك.
– كان هناك ضجة حصلت في مسلسل “أعمل إيه” إيه الجمال دا؟
-مش عارفه والله، أنا كمان أتفاجئت بصراحة.
–إزاي قدرتي تعملي الدور ده ؟
ذاكرت كويس وكنت مركزه إن أنا أعمل حاجة مختلفة لأن شخصية فايزة بعيد عني خالص فكنت خايفة من دا أوي بس الحمد لله يعني إن رد فعل الناس كان كويس.
–أول حاجه كان فيها ليكي ظهور مميز جداً كان مسلسل “ولد الغلابة” قدرتي إزاي إن إنتي تطلعي أول مرة على الشاشة كدا وكانت ردة فعلك إيه ؟
أول مرة كنت مبسوطة أوي لأن كانت أول حاجة أعملها وكنت لسه في سنه أولى معهد وكنت قدام نجم كبير زي أحمد السقا وكان معايا صحابي من المعهد بردو فمكنتش متوترة أوي يعني.
–عرفنا إنك بدأتي مسيرتك الفنية بدري أوي مين كان أول داعم ليكي ؟
من وأنا صغيرة أصلاً كنت بحب المسرح في المدرسة فكنت دايماً بشترك فيه كانت مامتي توديني وبعد كدا دخلت كلية إعلام وقبل ما أخلص كلية إعلام كنت بحاول أقدم في المعهد ونجحت.
و في نهاية الحوار سألنا الفنانة إيمي الجندي عن رأيها في الدراما المصرية حالياً ؟
الدراما أتغيرت عن زمان جداً ودلوقتي في تطور مختلف، وكل وقت وله شكله الدامي ، بس أنا بحب الدراما والأعمال القديمة”.
وإضافت إيمي الجندي: انا بـ أفضل المسلسل العشرة حلقات لإنه بيقدم قصه بسيطة وصغيرة في وقت قليل تحققي متعة مشاهدة المسلسل.
Visits: 9
مساحة إعلانية
مساحة إعلانية