جدل كبير أثير على مدار الساعات الماضية، بسبب أزمة الفنانة شيرين عبد الوهاب، في علاقتها مع المنتجة سارة الطباخ بالأمر.
وسبب تواجدها مع زوج شيرين السابق الفنان حسام حبيب في المستشفى المتواجدة بها شيرين، وقد أوضحت سارة الطباخ الأمر مع الإعلامي عمرو أديب في مداخلة لبرنامج الحكاية.
وقالت: “لو حد كلمك قال لك إن صديق ليك كلت معاه عيش وملح مختفي ومسحول ومضروب، وإحنا عايزين ندور عليه، مش هتنزل؟، ده اللي أنا عملته بالظبط”.
وأردفت: “رحنا المستشفى سألنا عليها هناك قالوا لنا مافيش حد بالاسم ده، وكان already المحامين موجودين، كان حسام لسه موصلش”.
وأكملت: “وحاولنا إننا نتأكد طيب هي موجودة، هي بخير، طيب قولوا لنا هي لو موجودة تمام، بي إحنا نطمن إنها موجودة، طيب أنتو بتقولوا إنها مش موجودة ليه، إحنا عندنا معلومة إنها موجودة”.
وأشارت: “فحاولنا نوصل بكل الطرق إننا نطمن إن شيرين في هذا المكان، في سلام وأمان وتمام، ده اللي إحنا عايزينه، ده الهدف أصلًا، سواء من المستشار أو مني”.
وواصلت: “إحنا تأكدنا إنها جوه المستشفى، وإنهم رافضين يقولوا لنا إنها جوه المستشفى”، مضيفةً: “ثم جاء حسام بعد ذلك، وكنا نسعى للاطمئنان عليها”.
ووجهت رسالةً إلى محمد عبد الوهاب، شقيق شيرين: “هو أكتر واحد عارف شيرين عبد الوهاب عملت معاك أنت شخصيًا إيه”.
ولفتت: “والأولى إنه كان يحاول يتناول الموضوع بطريقة أخرى، أو يتواصل معانا ويفهمنا الموقف، وساعتها كنا مشينا في أقل ثانية”.
واستكملت: “محمد أخو شيرين أكيد نيته كويسة لصالحها، بس أنت بتساعد الناس إنها تشوه صورة شيرين أكتر، الموضوع ميتحلش بالطريقة دي”.
وأتمت: “شيرين مش صغيرة، شيرين ست عاقلة وواعية وقوية، أنا معنديش أي مشاكل معاها، ولو أنا رحت إمبارح، رحت حبًا فيها وخوفًا عليها وعاوزة أطمن عليها”.
https://fb.watch/gdBfZ8lCQb/
Views: 0
مساحة إعلانية
مساحة إعلانية