فتحت الفنانة شيرين عبد الوهاب، أبواب النيران على طليقها الفنان حسام حبيب، من خلال مداخلة هاتفية مع الإعلامية لميس الحديدي في برنامجها “كلمة أخيرة”.
حيث قالت الفنانة شيرين عبد الوهاب، إن طليقها الفنان حسام حبيب كان يتشاجر معها كل خميس: “بيقولي الناس بتقول عليا أنا حرامي وسرقت فلوسك، الناس بتقول عليا إني رفعت عليكي سلاح، فتدخل أحد الأشخاص الذي كان يرغب في الصلح بيننا بفكرة، قالي إيه رأيك لو الأسئلة دي تطرح وتجاوبي عليها على الإنستجرام قولتله طبعًا”.
وأضافت: “كلمت جميل سعيد المحامي قولتله شهادة الحق مرفعش عليا السلاح، قولت كده بس عشان بنت أصول، أنا بنت أصول يا لميس هتقولي إيه بقى، قولت أبرأه عشان أنا بنت أصول عشان أخليه يتجوز تاني، بس الواقعة حصلت”.
وتابعت شيرين: “أنا مش هنسى سؤالك عليا وقت الأزمة ولا الفنانة ياسمين عبد العزيز ولا منة شلبي وكل الناس الحلوين اللي سألوا عليا والجمهور وبقول للناس أنا اسفة اني بتكلم في موضوعي الشخصي وانا عارفة أن الناس في البلد عندها مشاكل أهم وأنا بقيت بحس أن موضوع بوخ “.
و إعتذرت شريين عبد الوهاب لجمهورها على الهواء قائلة: “عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مايحبهاش هي الكذب وأنا مابحبوش “.
وأكملت شيرين: “أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنه، كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل اللي أعيش معاه”.
وختمت : “بما إن الناس شاهدة على الموضوع ده من الأول، مكنش فيه رجوع ليا بعد الطلاق مع حسام حبيب، مرجعتش، كانت فيه محاولة لو نجحت كنا هنكمل، بس منجحتش، ده سرق عربيتي من تحت البيت”.
Views: 6
مساحة إعلانية
مساحة إعلانية