يوسف عصام يكتب / معركة النفس، جاهد وعافر وحقق ذاتك بطموحك

في البداية لازم كل شخص يبقى عارف ماهيته و يبقى عارف هو عاوز إيه ومحتاج إيه، لأن الأساسيات دي على قد متبان إنها سهلة إلا وأنها من أصعب القرارات اللي ممكن تاخدها في حياتك، متسبش نفسك من غير هدف أو من غير حلم و دايما خلي سقف طموحك ملهوش حدود وحسس نفسك إنك تقدر تعمل كل ده بإرادة ربنا ثم مجهودك.

خلو بالكم كمان إن من أسباب الإكتئاب والعزلة هي إن الإنسان يعيش بلا أمل أو حلم و دايما بيبقى حاسس إنه غير مرغوب فيه و أوقات كتير جدآ زي ما بنشوف حالات الانتحار اللي بتحصل بطريقة رهيبة على مدار السنين اللي فاتت.

ابدأ دلوقتي و أعرف إنت عايز إيه و بتدور على إيه و شوف إيه الأساسيات اللي ممكن تخليك إنسان ناجح و إيجابي و يبقى ليك دور في مجتمعك..

ووقت ما تعرف هدفك و تخطط لمستقبلك و تبدأ فعلا في تنفيذ أحلامك و طموحاتك هتكون قدرت تتغلب على نفسك و تثبتلها إنك قادر تبقي أحسن وأحسن..

Visits: 0