مرتضي منصور وتصريح ناري لكارتيرون “لن تستفزني وهدعمك ” 

 

صرح المستشار مرتضى منصور رئيس نادي الزمالك، خلال مؤتمر صحفي داخل أسوار القلعة البيضاء اليوم.

صرح مرتضى قائلاً : أقول لـ باتريس كارتيرون لن تستفزني وهافضل أزق فيك ومش هاتقدر تستفزني سأساعدك وأؤيدك حتى النهاية، بس أنا مش ناسي هروبه أنا بس سايبه عشان الإستقرار وأنا أعلم ما في ضميرك لكن المجلس يساندك ويؤيدك.

كما تم أختيار مدرب عام ومدرب مساعد ونعقد معه أجتماع لحسم الأمر.

نادي الزمالك له إدارة لها حق تحديد أفراد الجهاز المعاون وليس كارتيرون لأنه موظف في النهاية.

بالإضافة : مش هتدخل النادي تاني يا حازم يا فتوح ومش إنت اللي هاتمشي كلامك على الجمعية العمومية ومش هستجيب لأي أستفزازات

سنقوم بعقد جلسة مع أشرف بنشرقي من أجل الإستفسار إذا وقع لنادي آخر أم لا مبنتحايلش على أحد لكن إذا كان لم يوقع لنادي آخر سنقوم بتجديد عقده.

وأضاف : اللاعب اللي قال لأسامة نبيه أنا مش هخرج من المعسكر عشان أنا زيي زي كارتيرون ومصوره أنا عارف كل حاجة.. أنا عاوزه يرجع كارتيرون بتاع زمان ويعرف إن مفيش حد يقدر يمشِّي كلامه على المجلس.

أقول لعمرو الدرديري مينفعش اللي بتعمله وتقعد تتكلم كدا قدام سيف زاهر.. لا الزمالك مش مسخرة متعرفش تتكلم متطلعش إنت بقى عندك ملايين على صفحتك بسبب المسخرة اللي بتعملها دي.

وواصل: مش هسمح بقيد ابن حسين السيد في الفريق عشان أبوه الكلام ده مش معايا أنا ، فاروق جعفر علاقته أنتهت بالنادي بالرغم من علاقة الصداقة بيننا.

وتابع : أنتظر قرار هيئة الفتوى والتشريع بوزارة الشباب والرياضة بشأن اللائحة التي ستقام عليها الإنتخابات.

وأختتم : النادي سيوقع عقدا لإنشاء استاد الزمالك وسيحصل على 200 مليون جنيه أثناء التوقيع على أن تقوم الشركة بإنشاء الاستاد وستنتعش خزينة النادي بـ300 مليون جنيه على نهاية الشهر.

وأرفض التحفيل بين جماهير الزمالك والأهلي في الفترة المقبلة ومن يخطئ ستحاسبه الدولة المصرية خلال الفترة المقبلة

Views: 0