حوار الصحفية : رحاب هاني
أحمد عبد المنعم شعبان، مواليد 18 يونيو 1989، من محافظة القاهرة، كان لاعباً لفريق الرباط والأنوار البورسعيدي، وكان حكماً مساعداً في مباراة الأهلي والبلدية، في الجولة 22 من منافسات الدوري المصري الممتاز، ونال الإعجاب والإشادة من الجميع.
وكان لموقع القائد نيوز حوار خاص مع الكابتن أحمد عبد المنعم شعبان :
إي الدوافع عند حضرتك علشان تختار التحكيم كمجال عمل؟
حبي في كره القدم، وشغفي بيها، ووجودي مع صديقي مصطفى عطالله، هو اللي حببني في التحكيم، وخلاني عايز ادخل مجال التحكيم.
مين قدوتك في مجال التحكيم؟
قدوتي كابتن سمير جمال وكابتن أحمد حسام طه وكابتن محمود أبو الرجال من الحاليين، وكابتن وجيه أحمد وكابتن أيمن دجيش.
حكمت كام مباراة الموسم دا؟ وهل فيهم مبارايات كنت حكم ساحة ولا كلهم مساعد؟
8 مباريات، كلهم راية.
كان في تخوف عند جمهور الأهلي من طاقم تحكيم صغير في السن، هل دا عمل ضغط على الحكام أو تخوف من المباراة؟
لا خالص بالعكس إداني دافع إني أثبت نفسي، وأكون قد ثقه لجنة الحكام فيا.
مخوفتش من رد فعل الجمهور بعد إلغاء هدفين للأهلي بداعي التسلل؟
لا خالص، مش بفكر غير في نفسي، ومستقبلي، وإني أرضي ضميري، وربنا.
حضرتك كنت متوقع النجاح وكم الإشادة بيك بعد مباراة الأهلي والبلدية؟
خالص ما كنتش متوقع الكم الهايل ده، من ردود الفعل الإيجابية، خصوصاً إن عندنا هنا بنهتم باللاعيبه أكتر، وحكام الساحة بياخدوا اهتمام شوية، عن الحكام المساعدين.
أبرز التحديات اللي بتواجه حضرتك من بداية مسيرتك التحكيمية؟
كل ماتش بالنسبالي تحدي جديد، وبداية خطوة جديدة في مجال التحكيم، لحد ما أحقق حلم حياتي وأحكم كأس العالم.
إي الحاجات اللي المنظومة التحكيمية في مصر محتاجالها علشان تتطور؟
محتاجة دعم ومساندة من الجميع.
طموحات حضرتك وأهدافك المستقبلية إي؟
الشارة الدولية، وكأس العالم إن شاء الله.
حضرتك خريج كلية ليها علاقة بمجال الرياضة ولا لأ؟
خريج كلية تجارة.
Views: 323
مساحة إعلانية
مساحة إعلانية