حوار: يوسف عبد الرحمن
الأستاذ محمد شعبان مدرس فلسفة وعلم النفس بشبرا الخيمة، والذي قام بعمل حلقات منفصلة لبرنامج تدور فكرته حول مسابقة في المادة العلمية لدى الطلاب.
منين جتلك فكرة المسابقة؟
هى الفكرة قديمة بس ازاي نطبقها بشكل عصري في ظل النظام الجديد وازاي الطالب يحب المادة ويذاكرها ويكون متحمس ومن هنا جت الفكرة التحفيز والمذاكرة.
ايه الدافع اللي خلاك تفكر تعملها بنظام البرنامج التلفزيوني ؟
هي كانت هتتعمل تلفزيوني ولكن ربنا قدر إن إحنا نعملها ونصورها بالشكل ده وتنزل على السوشيال ميديا وبإذن الله مخططين إن هي تبقى السنة الجاية للصف الثالث الثانوي وربنا يقدرنا وتتذاع في التلفزيون أو وزارة التربية والتعليم تتبنى الفكرة أو وزارة الشباب وتكون فكره رائدة لتحفيز الطلاب على المذاكرة من خلال برنامج تحفيزي وقايم على التنافس على مستوى الجمهورية.
ايه النصيحة اللي حضرتك حابب تقدمها لوزارة التربية والتعليم للنهوض بمستوى الطلبة التعليمي؟
تبني الأفكار الجديدة الهادفة لإن في تيار جارف من السفه والعته على وسائل التواصل الاجتماعي وللأسف بيقوم بيها كثير من الزملاء.
فلازم يبقى الموضوع جذاب ومشوق وفي نفس الوقت محافظ على الأصالة وفي نفس الوقت المستويات تعلى زي زمان.
ايه الكواليس اللي شوفتها مع الطلبة أثناء تصوير الحلقات؟
كلها حماس ويكفي إن هي تفضل متعلقة في الذاكرة بتاعته إن هو جزء من برنامج طلع على السوشيال ميديا وهو بيشوف التنافس بينه وبين زمايله والأكثر طبعًا الناس اللي فازت وتأهلت للنهائيات كان جو فيه منافسة وروح عالية جدًا.
ايه النصيحة اللي تحب توجهها للطلبة خصوصًا إن خلاص داخلين على الامتحانات؟
ينظموا المتبقي من الوقت مع وضع هدف وهو دخول الكلية والدعاء لله عز وجل إنه ييسر لهم الأمور وربنا يكرمهم ويوفقهم.
Views: 45
مساحة إعلانية
مساحة إعلانية