تصريحات وحوارات خاصة

لافينيا نادر “كل عمل عملته كان سبب نجاح وخطوة مهمة في حياتي”

كتب: أحمد سالم

لافينيا نادر هي فنانة مصرية موهوبة ومثيرة للإلهام، وقد أظهرت شغفًا كبيرًا وقدرة استثنائية على تحقيق النجاح. ولدت في عام 2013 ونشأت في بيئة تعزز من تطوير مواهبها ومهاراتها.

بدأت لافينيا مسيرتها السينمائية في سن مبكر، حيث اكتشفها المخرج عادل أديب في أحد أعمالها الأولى في مسلسل “نقل عام”، وأبهرت جميع أعضاء فريق التمثيل والجمهور بموهبتها.

من خلال موهبتها وتفانيها في عملها، تمكنت لافينيا من تحقيق شهرة واسعة وتأثير كبير في المجتمع المحلي.

إلى أن شاركت في النصف الأول من الموسم الرمضاني الحالي ببطولة مسلسل “بابا جه”، وكان لموقع القائد نيوز حوار خاص معها

ايه أكثر مشهد عملتيه عجبك في المسلسل؟
الأغنية اللى في نهاية المسلسل علشان الأغنية معمولة ليا وتصويرها كان لذيذ اوى.

ايه كان احساسك لما باباكي كان مهتم بالأطفال التانية ومش مهتم بيكي ولما طلبتي أب وهو جالك وقالك أنا بعمل ده عشان يبقي ليا لازمة؟
المشهد كان صعب عليا أوى وزعلت من نفسي جدا اني قلت كلمة زى كده.

كان ايه السبب انك تدخلي مجال التمثيل؟
بابي أكتشف موهبتي وانا بستمتع وانا بمثل

ايه الهواية المفضلة ليكي بعيدا عن التمثيل؟
الباليه والسباحة.

هل هنشوف الفنانة الموهوبة لافينيا نادر في فيلم من أفلام العيد؟
لاء لأن قبل مسلسل “بابا جه” كان ليا فيلمين “شماريخ، مقسوم”.

ايه الأفلام المفضلة ليكي؟
أنا بتفرج على كل حاجة عربي واجنبي علشان اتعلم أكثر.

ممثل نفسك تمثلي معاه؟
نفسي اشتغل مع ناس كتير زى كريم عبد العزيز وأحمد عز وأحمد السقا وأحمد حلمي وتامر حسني ومنى ذكي ودينا الشربيني.

ناوية تركزي في الأعمال الكوميدية الفترة الجاية ولا هتحاولي تنوعي عشان متتحصريش في أدوار معينة؟
أنا قبل بابا جه كنت عملت مسلسل صوت وصورة بطولة حنان مطاوع وكان كله عياط ونكد وقبله فيلم شماريخ طفلة شعبية من الشارع.

ايه نوع الأفلام والخطط اللي انتي مستهدفاها في مستقبلك؟
نفسي أعمل فوازير رمضان الاستعراضية زى اللى كانت بتعملها نيللي وشريهان.

ايه سبب اتجاهك للكوميديا وخصوصا مع تمثيلك العديد من المسلسلات زي المداح 2 وحضرة العمدة وسره الباتع و1000 حمد الله على السلامة وكشف مستعجل وفيلم مقسوم؟
أنا مش بحب أكرر نفسي بحب اخد التجربة في أدوار متنوعة.

ايه أكثر دور انتي حبتيه من وجهة نظرك “المداح” ولا “نقل عام” وخصوصا هما سبب اكتشافك على يد المخرج الكبير عادل أديب، ولا مسلسل “بابا جه” اللي بقى سبب كبير في وجود فنانة موهوبة على ساحة الدراما؟
كل عمل عملته كان سبب نجاح وخطوة مهمة في حياتى.

اتعلمتي ايه من مسلسل بابا جه وخلى علاقتك مع والدك الفنان القدير نادر كمال عامله ازاي؟
أنا وبابا دايما بنتعامل معاملة الأصحاب ومعظم الوقت مع بعض.

وتعد لافينيا نادر واحدة من الوجوه الصاعدة في صناعة التمثيل في مصر، وتتمتع بشعبية كبيرة بين الجمهور بفضل موهبتها وأدائها المتميز، نتطلع إلى مشاهدة مزيد من أعمالها المستقبلية وما ستقدمه من إبداع في عالم التمثيل.

Visits: 96

مساحة إعلانية

مساحة إعلانية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مساحة إعلانية

زر الذهاب إلى الأعلى

أنت تستخدم إضافة Adblock

بنعتذر عن المضايقة، لكنك بتستخدم إضافة adblock اللي بتمنعك من تصفح الموقع في الوقت الحالي، برجاء اغلاقها واعادة المحاولة