نشر الفنان مدحت تيخا، منشور عبر حسابه الرسمي على “الفيسبوك”، يوجه من خلاله رسالة شكر وتقدير للفنان تامر حسني معبراً عن سعادته بالمشاركة في فيلم “بحبك”.
وكتب فيها: “تامر حسني .. أنا لازم أقول قدام الناس كلها إنك أفضل نجم أنا إشتغلت معاه من الجانب الإنساني.. إختيارك ليا وإهتمامك الكبير بيا في كل حاجة من أول أجرى و دوري في الفيلم وشكلي علي الأفيش وإسمي في التترات”.
وأضاف: “مفيش حد بيعمل كده خالص إلا أنت عشان كدة ربنا بيحبك لأنك فعلا إنسان عظيم ونضيف وبتعمل خير من قلبك بجد مش مجرد شو إعلامي يعني اللي عملته معايا ممكن محدش يعرفه خالص لو أنا مقولتش وبالرغم من كدة عملته معايا، وأنا دلوقتي بمحض إرادتي بقول للناس كلها أهو اللي عملته معايا عشان فعلا أنت تستحق أني أشكرك قدام كل الناس”.
وأختتم: “أشكرك جدا يا حبيبي ربنا يوفقك ويسعدك وتحقق كل اللي نفسك فيه يارب وأكتر كمان بإذن الله”.
وفيلم “بحبك” من بطولة تامر حسني، هنا الزاهد، مدحت تيخا، حمدي الميرغني، هدى المفتي، تميم عبده، عمرو صحصاح.
ونجح فيلم بحبك في تحقيق إيرادات جيدة أول أيام عيد الأضحى، حيث حقق 3 ملايين و205 آلاف جنيه.
Views: 12
مساحة إعلانية
مساحة إعلانية