رسالة الخطيب لمؤمن زكريا، ودعمه لكهربا، عاشور للأهلي قائلا “الأهلي أهم مني شخصيا” 

تحدث الكابتن محمود الخطيب رئيس النادي الأهلي مع الكابتن أحمد شوبير خلال تواجده معه ببرنامج ملعب أون تايم تحدث عن مؤمن زكريا ومحمود كهربا وسر زعله من رمضان صبحي وحسام عاشور.

حيث تحدث الخطيب مع شوبير عن كهربا قائلا : بتقول إني أديتك نصيحة وأول درس في حياتك، أنا اتفرجت عليك من كام يوم لقيتك أنت كمان بتدي نصيحة للاعب عندنا الناس بتتكلم كتير عليه مع موسيماني وانت قولتله معندكش غير الملعب وتثبت نفسك وفرصتك هتجيلك رسالة اديتها لناس كتير دي، إحنا أجيال بتسلم بعض عشان الأهلي مسيرة حب ومسيرة عمل وطموح دائم نتطلع لما هو أفضل.

وتابع كهربا اتغير وبيتمرن كويس، لكن طريقة اللعب او مين يلعب دي مقدرش اتكلم فيها، كل مدرب بيشوف طريقة لعب واللاعيبة اللي تناسبه، أنا بطلب من سيد وموسيماني يساعدوه في أسلوب التعامل وهو الفترة الأخيرة فعلا ملتزم عكس لما أتى في الأول مكنش عارف النادي الأهلي كويس.

مؤمن زكريا ورسالته للخطيب : ” أتوجه بالشكر للوالد والأخ والصديق بدعمه المستمر لي وربنا يديم الحب والمعروف بينا، وإن شاء الله أكون قريب معاك يا كابتن في بيتي النادي الأهلي، ما وصل له مؤمن زكريا هو حب من الله وقدره عند ربنا كبير جدا “.

وتابع : ” مؤمن بعتلي رسالة لما أنا دخلت المستشفى واحد بالمحنة اللي هو فيها ويبص لمحن غيره فا دا إنسان وإحنا على تواصل كامل ومكلف سيد عبدالحفيظ إنه يتواصل معاه دايمًا، زي ما أنا مكلفهم بالتواصل دايمًا مع والدة محمد عبدالوهاب، مؤمن وأسرته وأهله في النادي الأهلي طول الوقت وأي حاجة مطلوبة في قلب النادي الأهلي “.

وتابع : ” أنا زعلت على رمضان صبحي هو وغيره والنادي الأهلي فضله عليه وعلى غيره، إحنا عملنا حاجات كتير عشان يكون موجود معانا، لكن هو حر والأهلي مش بيقف على حد والأهلي بيصنع كل النجوم ومنهم أنا، الأهلي مش بيزعل على حد، اللي يزعل اللي يسيب الأهلي “.

وصرح أيضا عن إمكانية رجوع حسام عاشور للأهلي : الأهلي أهم مني أنا شخصيا، الأهلي من يصنع الأسماء بعد توفيق الله، ليس من الطبيعي أن لا يقدر شخص ما الأهلي ويعود له مرة أخرى، هذا الأمر لا أقبله.

Views: 0