بعد عمل وجهد متميز قدمه، الأستاذ أحمد فؤاد مخرج العرض المسرحي لخطة كيوبيد على خشبة مسرح السلام في ضيافة القائد نيوز..
وإليكم نص الحوار؛-
–ما معني كلمة خطة كيوبيد ؟
كيوبيد معناه هو رمز للحب كلنا برضو عارفين شكل الجامعي الخاص بكيوبيد وهو الطفل الصغير اللي يقدر يصيب أي شخص بالحب مباشرة وده كان سبب عشان يبقى موجود في خطة كيوبيد.
–الهدف من العمل المسرحي الذي تم تقديمه؟
بنتكلم بشكل إجتماعي عن فكرة الحب.. يمكن تم مناقشتها كتير جداً في المجتمع بشكل أو بآخر لكن إحنا في العمل المسرحي خطة كيوبيد بنتناول قصة الحب بشكل مختلف وإن الشخص رمز الحب يبدأ يتوقف عن عمله في نشر الحب بين الأفراد وتمر الأيام وبنته تتخطب لأبن اخيه ويحصل ما بينهم مشاكل.
فيضطر يرجع للشغل تاني عشان يقدر يحل مشاكلهم الشخصية من خلال مجموعة من الإختبارات في شكل كوميدي جدا بيرجعنا لمفهوم الحب وده الهدف الأساسي للمسرحية مش بس بشكل عاطفي لكن شكل عام مثل المسؤولية وغيرها من الأشكال الكثيرة من أشكال الحب بنقدمها للناس في شكل كوميدي.
–رد فعل الجمهور بعد الانتهاء من العرض المسرحي؟
الحمد لله بقالنا بنعرض حوالي (15) ليلة عرض العدد مكتمل بشكل نهائي والجمهور موجود طول الوقت رد فعل نقدي وفني بيكون كويس وعالي جدا وبنقدمله حاجة قريبة منه وبنقدمله فكرة شويه جديدة بشكل كوميدي والجمهور متذوق جدا وحاسس إن التركيبة دي قريبة من روحهم أوي.
–هل كان في تحدي من عرض مسرحية خطة كيوبيد في قاعة يوسف إدريس المغلقة منذ فترة طويلة؟
ده نوع من أنواع التحدي اللي كان سبب مهم إننا نشتغل في القاعة، حيث تم الاتفاق مع مدير المسرح الفنان محسن منصور على كيفية إعادة الروح والجمال للقاعة ورونقها مرة أخرى، كان لازم نبدأ بعمل جماهيري قوي في روح القاعة ويبقى في إقبال جماهيري في كل الأعمال والقاعة راجعه بشكل جديد.
–هل في شروط من أجل إعادة فرقة المسرح الحديث؟
فرقة المسرح الحديث كان ليها طابع وتيم معين، مكنتش في شروط معينة قعدنا فترة نقدم عرض ونفكر في كده كويس وعرض مناسب للمسرح الحديث يكون ليه طابع جماهيري فوصلنا الحمد لله لخطة كيوبيد اللي لاقت إقبال جماهيري كبير.
–مقاييس نجاح العمل من وجهة نظرك؟
مقاييس نجاح العمل تختلف من شكل لآخر بس أنا من رأيي لما تكون بتعمل عمل في روح وقضية كويسة دي ينجح العمل والتركيبة قاصدين فيها تبقى بشكل كوميدي، في فكرة عميقة شوية بروح المشاهد أتمنى يكون العمل يوصل رسائل للجمهور يكونوا فيه للأفضل بحيث يكون خارج برسالة معينة.
–المخرج بيعتمد على مجموعة من الأدوات منها الفكرة وفريق العمل فما هي أسس اختيار فريق العمل ؟
دي تاني أطول مرحلة بعد الفكرة وهي مرحلة إختيار الفنانين لتنفيذ العمل بشكل كويس إحنا بنعمل عرض كوميدي لكن بنختار الفنانين والفنانات اللي قادرين يكونوا بيقدموا أكتر من شكل ويفوقوا أيضا الشكل الكوميدي فاختارنا الفنان عبد المنعم رياض، وكريم الحسيني، وأمنية حسن ونوال سمير
بل إن الأربعة ميتصنفوش فقط ممثلين كوميديين لكن يتصنفوا ممثلين من العيار الثقيل لإنهم بيقدموا حاجات مختلفة ومتنوعة منها الغناء والأداء الحركي فبنستغل كل حاجة قادرين يعملوها في إنها تبقى موجودة في العمل المسرحي خطة كيوبيد.
إقرأ أيضاً: ضاحكة “أدواري تميل للنكد” الفنانة نوال سمير في ضيافة القائد نيوز
Visits: 0
مساحة إعلانية
مساحة إعلانية