نجمنا النهاردة شارك في العديد من الأعمال الفنية منها ما هو مختص بالسينما ومنها ما هو مختص بالمسرح، أبرز أعماله ” ابن حلال ” و ” الألماني” و “زقاق المدق”، نجح في الأعمال التانية ومنها أدوار الشرير والفهلوي وابن البلد ..
نجمنا ونجمكم الفنان ” مراد فكري ” في حوار مهم وخاص للقائد نيوز
مراد فكري فنان شاب أقتحم عالم الفن منذ فترة قصيرة قدم من خلالها مجموعة من الأعمال الفنية المتنوعة في الدراما التليفزيونية والسينما والمسرح، فمن الأعمال التلفزيونية ابن حلال ومن الأعمال السينمائية الألماني مع النجم محمد رمضان كما قدم عدد من الأعمال المسرحية كان آخرها وليس بآخر “زقاق المدق”.
وكان نص الحوار كالتالي؛-
–بتقدم في الوقت الحالي مسرحية زقاق المدق كيف تم ترشيحك للدور؟
الدور جالي عن طريق دكتور عادل عبده ومحمد الصواف.
–كلمنا عن شخصيتك في المسرحية؟
طبعا زقاق المدق إتقدمت قبل كده في أعمال سينمائية ومسرحية بلعب دور زيطة وهي الشخصية اللي تعتبر قريبة أو فيها ريحة الفنان توفيق الدقن.
–هل كان عندك خوف أو قلق من المقارنة بينك وبين الفنان الكبير توفيق الدقن؟
مقلقتش خالص لأن مبحطش نفسي في مقارنة مع فنان كبير كده ولا في مساحة للمقارنة لأني مش عامل توفيق الدقن.
–إيه رأيك في كواليس العمل المسرحي؟
سعيد جداً مع فريق العمل، و الكواليس جميلة وكلها فرح وسعادة وحب بينا جميعا.
–هل كان عندك تحفظ على شغل المسرح أحيانا ؟
بالعكس بحب شغل المسرح جداً ودي مسرحية رقم خمسة اللي بقدمها، كمان أنا دراستي فنون مسرحية ف ده تخصصي وتربيت هنا في المسرح.
–لماذا بعض الفنانين بيقلقوا من الفن المسرحي؟
لأن المسرح إلتزام ومحتاج جهد وشغل كبير واتصال مباشر مع الجمهور.
إقرأ أيضاً: “هوس التريند” التيك توك له ميزة في ذلك !!!
–حضرتك قدمت أعمال فنية متعددة متنوعة، إيه العمل اللي كان فارق معاك في حياتك الفنية؟
الحمد لله كل أعمالي نقلة في حياتي لأني مبدخلش عمل مش مقتنع بيه فكل شغلي بنسبالي كويس.
–إزاي ممكن تقدر تعرف نجاح العمل أو فشله؟
أولا دي حاجه في إيد ربنا لكن ممكن نحكم على السيناريو والورق والإنتاج ومدى توفير الخدمات التسويقية للعمل.
Visits: 0
مساحة إعلانية
مساحة إعلانية