يمتلك الفنان أحمد فتحي رصيد كبير من الأعمال الفنية القوية سواء في السينما مثل دوره في فيلم “بنات العم”، أو في الدراما مثل شخصيته في مسلسل “اللعبة”، أو في المسرح مثل دوره في مسرحية “الشبكة”.
وقد شارك في رمضان 2024 بمسلسلات “جودر، كوبرا”، وكان لموقع القائد نيوز حوار خاص معه حول أدواره فيها، وإليكم نص الحوار:-
ما هي الرسائل التي يسعى مسلسل “كوبرا” إلى ايصالها؟
الممثل بيمثل بس، لكن موضوع التحليل ده بتاع ناس متخصصة، أنا بعمل اللي عليا وبمثل بس، والنقاد والجمهور هما اللي بتستخلص الرسايل اللي عايز المسلسل يطلع بيها.
مين رشحك للدور في مسلسل جودر؟
المخرج إسلام خيري، وطبعاً النجم الكبير ياسر جلال، وشركة الإنتاج برضو.
ما هي الصعوبات التي واجهتها في مسلسل جودر؟
أهم الصعوبات اللي واجهتها بيئة العمل، قماش وجلد وسيف، ودقن وتاتوه مع الديكورات، اللي هي أصلا كانت في عصر قديم، وبالتالي مصدر الإضاءة دايما كان النار اللي كانت بتسخن الجو، واحنا بنصور في الصيف، فكان الموضوع صعب جدا بالنسبالي.
كيف تم تصوير المشاهد الأسطورية في مسلسل جودر؟
كان فيه شركة كبيرة جداً اسمها “أروما” هي اللي بتنتج المسلسل، وهي كانت المسؤولة عن الجرافيكس.
ما هي العوامل التي ساهمت في نجاح جودر؟
أهم حاجة ساهمت في نجاح المسلسل هي الجودة، جودة كل العناصر وجودة الديكور، كل حاجه اتعملت بجودة عالية جداً وبصبر ومجهود كبير جداً ومع الشغل طلع العمل كبير جداً.
ما هو رأيك في نوعية الأعمال الفانتازيا اللي زي جودر؟
طبعاً شيء رائع، وأعمال كبيرة ورائعة بتخلي الناس في حالة ترقب دائم ليها، لإن في شغف كبير بأعمال الفانتازيا، وهي أعمال مهم إنها تتشاف.
هل شايف إن أعمال الفانتازيا زي جودر ممكن تسمع وتنجح ولى هيجي وقت الناس تمل؟
طبعاً بنسبه 100% الأعمال دي بتنجح ولكن لازم تبقى على نفس مستوى جودر من الجهد والجودة والنجاح.
ما هي التحضيرات اللي بتتعمل حالياً للجزء التاني من مسلسل جودر؟
هو فيه تكملة للتصوير، إنما أنا مش عارف أكثر من كده بصراحة.
كوبرا وجودر شخصيتين غير بعض ازاي قدرت تفصل بين الشخصيتين؟
أنا مش أول مرة أعمل أكثر من شخصية مع بعض، ده شيء طبيعي من الممثل المحترف إنه يكون بيشخص أكثر من شخصية مع بعض، ولازم يكون قادر إنه يفصل بينهم، ودي من أهم أدوات الممثل.
Views: 24
مساحة إعلانية
مساحة إعلانية