كهربا: “بيحاولوا يوقعوا إمام عاشور زي ماحاولوا معايا بس محدش هيعرف يوقعه”

ظهر محمود عبد المنعم”كهربا” نجم النادي الأهلي ومنتخب مصر، مع الإعلامي الرياضي سيف زاهر، في برنامج مساء أون تايم، على قناة أون تايم سبورت.

وأكد أنه في النادي الأهلي لا يوجد نجم أوحد للفريق، وقال: “لما حققنا بطولة إفريقيا كإن اللعيبة كلهم حققوا البطولة، حتى اللاعب الغير مقيد بالبطولة كنا بنديله الكأس يحتفل بيه، إنما في أندية تانية في نجم أوحد بيدوله كل حاجة، ودا غلط وبيأثر على اللعيبة اللي معاه”.

وأضاف: “أنا اتغيرت تماماً بعد انتقالي للنادي الأهلي، بقيت هادي وبعيد عن العصبية، وفيه ناس بتحبهم تلقائي ربنا أنعم عليا بحب الناس كل اللي يشوفني يحبني طول عمري كدا في الأهلي كل أسبوع بطولة جديدة، أنا هداف الفريق الموسم الحالي وبرغم من كدا لما مش بلعب بزعل جوايا بس لما بنكسب بروح فرحان لزمايلي”.

وأكمل: “‏ ‏في حد طلع قال إمام عايز التيشيرت بتاعه، إمام بعتلي رسالة وقالي أنا في المنتخب مش هعرف أرد، اللي حصل إن الشخص دا قال لإمام هترجع الزمالك، وعشان اللي قاله كدا كبير في السن إمام مردش، بس لما لقاه كل شوية بيقوله كدا، راح إمام حاطط إيديه على التيشرت وقاله بالظبط أنا في حتة تانية”.

وأتم: “بيحاولوا يوقعوا إمام عاشور زي ما حاولوا معايا، بس جمهور الأهلي في ضهر إمام، فمحدش هيعرف يوقعه”.

Views: 0