بقلم: أمينة علي
كشفت الفنانة سهام جلال خلال مداخلة هاتفية في برنامج “تفاصيل” مع الإعلامية نهال طايل عبر فضائية صدى البلد2، عن سبب غيابها عن الساحة الفنية.
وقالت سهام خلال المداخلة: “الناس بتنزل أخبار غلط، انا مش بقالي 15 سنه ولا حاجة، وغبت عن الوسط الفني لان المهنة بقت صعبة ومعتمدة على الشُللية والمعارف”.
وأضافت “لو أنا معنديش ده يبقى أنا خارج الوسط حتى لو كنت فنانة موهوبة، في فنانات أهم مني بكتير في بيتهم وحققوا وأثبتوا موهبتهم بس معندهمش شلة”.
وأستكملت: “النهارده بنقابل في المهنة قلة قيمة، لما أكون عامله مع مخرج أو مخرجة عمل كبير وليا فيه اسم وتيجي تظهر المخرجة بعد سنين تبعتلي 3 مشاهد وتقولي ابدأي يبقى أرد عليها وأقول لها إيه”.
وتابعت: “الممثل الشاطر بيشوف المشاهد القليلة مهمة وعلشان كده لما جالي مسلسل عوالم خفية وهما 3 حلقات مع الزعيم عادل إمام عملتهم، ممكن أعمل كام مشهد في السينما علشان الفيلم مدته ساعتين، لكن مقدرش أطلع اعمل 3 مشاهد في مسلسل طويل”.
وأوضحت: “المهنة دي مفيهاش اصحاب، انا جاملت ناس كتير أوي في الوسط الفني ومقصرتش في حاجة ومحدش قدر دا خالص، والكلام اللي بيتقال عليا مش صح”.
يذكر أن أخر أعمال الفنانة سهام جلال كانت مشاركتها في مسلسل “عوالم خفية”، الذي عُرض عام 2017 من بطولة الزعيم عادل إمام، ويضم المسلسل عدد من الفنانين ومنهم: صلاح عبد الله، رانيا فريد شوقي، فتحي عبد الوهاب، أحمد وفيق، أحمد صيام، هبة مجدي، مي سليم وغيرهم، وهو من تأليف أمين جمال ومحمد محرز ومحمود حمدان، وإخراج رامي إمام.
Views: 9
مساحة إعلانية
مساحة إعلانية