كتب: رامي عادل خاطر
تيجوا نحكي حكاية حلوة نهون بيها عن بعض
تيجوا ندعي دعوة حلوة تيجوا سوا نقول يارب
ارحم الصغار اللى راحوا وصبرنا وقوينا يارب
ارحم صحابنا اللى ماتوا يوسف أبو شعر كيرلي
وصغار يقطعوا القلب راحوا خلاص من دنيتنا
راحوا الجنة اللى ريحتها فاحت كتير على أرض
عاشت سنين بتقاسي عاشت سنين بتعاني
من الجبروت والظلم رحمة على روح اللى راحوا
وفاتولنا حسرة وغلب ودموع مبتفارقش عينا
وحزن ساكن في القلب راحوا في غمضة عين
دوول صغار ملهومش ذنب راحوا عشان مستضعفين
راحوا من دنيا ناسها عاملين مش شايفين
بس بإذن الله النصر قادم لا محالة عشان استحالة
ربنا يرضى بالظلم النصر ببأذنه لينا والظالم ليه حسابه
عند رب العالمين
والأرض تشهد على دموع طفل نام ع الباب
ودمعة الطفل من الحرمان بتملى كتاب
كلام عن العدل بين الأبرياء وعتاب
موجود على الأرض موت
وجروح وشوك وخراب
رحم الله شهدائنا الأبرار
Views: 26
مساحة إعلانية
مساحة إعلانية