كتبت: مي شاهين
نشر الفنان تامر فرج، عبر صفحته على موقع التواصل الاجتماعي الشهير “فيس بوك”، بوست ينتقد فيه مصيفين الساحل الشرير.
حيث قال:”بوكسات الساحل الحمدلله هرجع بكره من معتقل الساحل اللى كل نفس بتتنفسه فيه لازم يكون ب pass و QR كود وطبعا بمبلغ و قدره ده غير كمية الممنوعات اللى ممنوعه عليك من اول اصطحاب الكلاب لغاية اصطحاب ضيوفك على الشاطئ لو زادوا عن أربعة”.
وتابع:”منطقة ملعونه فيها نفسيات جحيم عمالين يبصوا على بعض و يدبوا مناخيرهم في شئون بعض بس بطريقه كلاسى شويه .. بدل ما يدبوا عينهم جوه شئونك بيصوروك من سكات ويبعتوا صورتك لإدارة “المنتجع” ومعاها شكوى انك مش من “الowners” ، انك بتشرب ، انك بتبوس “مراتك””.
وأضاف :”بغض النظر عن أحكامكم وأراءكم فى هذه الجرائم أنا كل مشكلتي الناس اللي سابت متعة التصييف و مركزه مع الآخرين،
ده غير طبعا التعالى على الغير اللى يوصل بواحده انها تقول للموظف اللى على بوابة البيتش إن في ناس بتدخل هى ما ترضاش حتى يشتغلوا عندها فى البيت!!!”.
وأكمل :” الساحل اعتقد ماكانش كده زمان مش عارف ايه اللى حصله ولكن بصراحه البحر الأحمر برقبته، الواحد بيضطر يروح عشان الولاد يشوفوا صحابهم
لكن مش كل ده اللى فارق معايا خالص… أنا اللي فارق معايا و عايز اسألكم عليه :
هل لازم دلوقتى الرجاله تلبس لباس كالفن كلاين تحت المايوه وتبين حز اللباس اللى عليه الماركه ؟؟؟
لأن ده اللى شوفته بصراحه و مش عارف هل أنا كده هبقى خارج الموضه ومش شيك عشان لابس المايوه بس من غير لباس تحتيه؟؟؟
وهل لو حز اللباس مكتوب عليه كوتونيل او دايس هيبقى تمام واللا لازم كالفن كلاين؟؟؟
افتونا يا أصحاب الموضه”.
Views: 10
مساحة إعلانية
مساحة إعلانية