حوار/ بسملة محمد
استطاع المؤلف إيهاب بليبل أن يحقق نجاحاً كبيراً من خلال فيلم “البعبع” بطولة أمير كرارة التي تم عرضه في موسم عيد الأضحى، ومن المتوقع أن يستكمل إيهاب تلك النجاح من خلال فيلم “مرعي البريمو” بطولة محمد هنيدي، الذي يعرض يوم 2 أغسطس المقبل.
وبعد مسيرة رائعة مليئة بالنجاح المستمر، حرص موقع “القائد نيوز” أن يتواصل مع المؤلف المبدع في أعماله، إيهاب بليبل، في حوار خاص عن أهم أعماله الفنية في الوقت الحالي، الذي جاء كالآتي:
* حصول فيلم البعبع على المركز الثالث هل نتيجة مستحقة أم لا ؟
هو حصل على المركز الثالث في الإيرادات فمقدرش احكم من خلالها لأنها رزق والمهم بالنسبالي أن يكون فيلمي حلو ولما بتتعرض بتفرج عليها لأن في أفلام كتيرة أبيض وأسود وألوان اتعرضت وجابت ملايين ومكنتش حلوة سواء في فكرتها أو جودتها، لكن انا مبسوط جدا أن الناس بتضحك وهما بيتفرجوا على الفيلم ولأول مرة أمير بيعمل كوميدي دي حاجه كبيرة اوي عندي.
* هل أثناء تأليف البعبع كنت ترى أن أمير كرارة هو الأفضل للدور أم جاءت صدفة ؟
في الأول مكنش في حد في دماغي لحد ما جيه أمير وكمان و أنا بكتب القصة كنت مقفلها على شبه أمير مثل الشكل الجسماني والتمثيل والقوة كل ده كان لازم يكون في البطل.
* لو حدث شيئ ما وكان رفض أمير الدور فمن ستقوم بترشيحه ؟
لا الصراحة محسبتهاش كده بس أصلا أنا أول ما اتقبلت مع أمير وحكيتله قصة العمل عجبته جدًا حتى قبل ما يقرأ الورق.
*هل إيهاب بليبل لم يقلق في إختيار أمير في دور كوميدي لأن المعروف أن أمير أدواره أكشن ؟
بالعكس لأن الفيلم أصلا متوفر فيه الأكشن الكوميدي وكمان أنا بشوف أمير دمه خفيف جدًا لكن الأدوار اللي قبل كده هي اللي مخلتوش يظهر بالشكل ده وأمير عنده اكتر من كده كمان مش في الكوميديا الصرف لكن في الدم الخفيف “كاريزما الكوميديا”.
* هل من الممكن أن تكرر التعاون مع أمير مرة أخرى وسيكون نفس الدور أم التركيز على مهارات أمير المختبئة؟
يشرفني طبعاً إني أكرر التعاون مع أمير وأتمنى كمان وأكيد الدور هيفرق لأنه بيعتمد على فكرة الفيلم أي ثم التوظيف لكن أمير في حاجات كتيرة اوي عنده مظهرتش.
* من وجهه حضرتك ترى أن المنصات الإلكترونية تظلم الأعمال الفنية أم لا ؟
أحياناً وأحيانًا و مقدرش أقول بتظلم أو لا لأن الناس بقت بتلجأ للمنصات في هذه الفترة ولكن بيتوقف على حسب فكرة العمل و توقيت نزول العمل لأن ده بيفرق طبعاً.
* هل حضرتك تتوقع أن فيلم “مرعي البريمو” سيحقق نجاحاً كبيراً أم لا ؟
أكيد اه لأن هنيدي أسم كبير جداً وافلامه بتجيب إيرادات كبيرة جدا مثل فيلم نبيل الجميل أخصائي تجميل و فيلم الإنس والنمس جابوا اكتر من 50 مليون، وكمان هنيدي متصنف من النجوم سوبر ستار والواحد ليه الشرف أنه اشتغل مع هنيدي وإن شاء الله الفيلم يعجب الناس جدًا.
* هل في أعمال قادمة لحضرتك تقوم بتحضيرها ؟
آه في عملين ولكن لسه مبقوش بشكل رسمي أول ما أجهزهم هعلن عنهم.
Views: 65
مساحة إعلانية
مساحة إعلانية