خلاف بين عمرو مصطفى وأورتيجا أثارا جدلا على السوشيال ميديا

كتبت: إسراء الكومي.

استضاف برنامج “حبر سري” الملحن “عمرو مصطفى” عبر قناة “القاهرة والناس”، وقال:” لو حد سرق بيتي محدش هيقول إني بتعالي على الحرامي”، وسيكون هناك تحرك قانوني للحصول على حقوقي.

وأضاف عمرو مصطفى في حديثه قائلا: “أنه لا يجب وصف ما يقوم به مؤدي المهرجانات اقتباس الألحان الخاصة به، ولكنه في الحقيقة سرقه، وسيكون هناك تحرك قانوني وتحرير محضر في المحكمة ضد أي شخص سرق ألحاني”.

علي جانب آخر رد المغني” أورتيجا” على حديث عمرو مصطفى، عبر حسابه الشخصي بموقع “إنستجرام” وقال: “لا والله، والله يا أستاذ عمرو يا كبير إحنا مش حرامية ومتجمعش، زي مانت في الخليج وأوروبا إحنا من عشر سنين في الخليج وأوروبا، ولينا جمهور يسفلت الكرة الأرضية”.

وتابع أورتيجا قائلا:” تيجي أنت في ثانية تطلعنا حرامية، يا أستاذ إحنا صناع، وصناع لمطربين كبار في الوسط الفني، حضرتك متجمعش على حد، قول اللي سرقك واتكلم عنه بعد إذن حضرتك”.

وأضاف أورتيجا قائلا: “عمال أقول حضرتك وأنت تقول حرامية وبنتباها بيك إنك مصري وحد عظيم متخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله، بيتحاكى بيها في ثانية عيب والله بجد”.

واستكمل أورتيجا قائلا:” أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس أنت متغلطش في كل الناس، لأن في ناس بتصنع محتوى من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط”.

واختتم قائلا: “ف أرجوك أنا بحبك وأنت زعلتني من طريقة كلامك عننا، والناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا”.

Views: 9