تألقت الفنانة بسمة ماهر في الموسم الرمضاني لعام 2023 من خلال مشاركتها في مسلسل المداح الجزء الثالث.
في البداية كلمينا عن العوامل اللي جذبتك لدور عائشة؟
قبل ما اعرف الدور إيه كنت متحمسة جدآ اشتغل مع الأستاذ أحمد سمير فرج و كمان حماده لأن كان في كذا تجربة و لم تكتمل.
لما قريتي السيناريو محصلش عندك تخوفات من قصته انها بتتكلم عن الجن والعالم الآخر؟
بالعكس كنت متحمسة و خصوصا أن أول جزء للمداح كان دوري هادي جدآ.
كان بيحصل أي في كواليس المسلسل كان بيحصل حاجات مرعبة مثلآ خاصة الجزء الثالث؟
لا بالعكس كنا بنهزر على طول و كمان حماده في التصوير مختلف تمامآ دمه خفيف جدآ و طول الوقت بيهزر.
مكنش في مشاهد بينك وبين أحمد كشك زوجك في العمل لكن كلمينا عن وجوده معاكي في نفس العمل؟
احنا متقابلناش خالص بالرغم من وجوده بس أكيد وجوده أضاف للعمل.
إيه أصعب مشهد واجهتيه وقت التصوير في ال ٣ أجزاء؟
الجزء التالت دوري كان خفيف مش صعب المشهد اللي تعبنى بجد كان في الجزء التاني و حماده بيخرج الجن مني كنت حساه حقيقي.
بتأمني بوجود السحر والجن؟
اكيد بآمن بوجود السحر و الجن ده مذكور في القرآن.
هل اتعرضتي في حياتك لحاجة من دي قبل كده آذى من أي نوع؟
الحمد لله والشكر لله ربنا حامينا واكيد مفيش حد مش محسود.
بعد المسلسل والتصوير بيحصل معاكي حاجات مرعبة أو كوابيس ومأثرة على حياتك؟
كوابيس لا مع ان بيحصل لناس من أهلي، الجزء التالت بيجيلهم عفاريت في الأحلام، أنا ممكن أقعد أدور على حاجات كتير بتضيع مني وفي الأخر بلاقيهم قدامي.
لو أكتشفتي إن فيكي حاجة زي دي أو أن حد عاملها ليكي هيكون رد فعلك إي؟
هروح لشيخ يعالجني طبعا.
ما هو التشابه اللي بين بسمة ماهر في الحقيقة وعائشة في المسلسل؟
التشابة مع عائشة انها حقيقية و طيبة.
من وجهة نظرك تعدد الأجزاء للمداح ده ممكن يفقده نجاحه لو أتعمل جزء رابع؟
على حسب القصة المطروحة و تناولها الناس كانت خايفة أن الجزء التالت يكون أقل من الأجزاء اللي فاتت والحمدلله طلع من أقوى الأجزاء.
بتفضلي المسلسلات القصيرة اللي
بتتكون من 10 و 15 حلقة واله ال 30 حلقة ؟
بصراحة المسلسلات القصيرة لأنها بتبقى القصة ملمومة و موجهه و سريعة التناول بدون أي مط.
من وجهة نظرك هل وجود العمل داخل موسم رمضان أو خارج الموسم بيأثر على نجاحه؟
مبقاش في فرق بين الموسم الرمضاني و الأوف سيزون كله بيتشاف بالعكس الأوف سيزون بيتشاف أكتر لأن مبيبقاش زحمة.
Views: 5
مساحة إعلانية
مساحة إعلانية