كتبت:مي شاهين
حل الفنان أحمد داوود، ضيفًا على برنامج “معكم” الذي تقدمه الإعلامية منى الشاذلي، ويعرض على قناة cbc.
وكشف أحمد داوود خلال الحلقة عن مصير فيلم “أولاد رزق 3” مع الفنان أحمد عز وأحمد الفيشاوي وعمرو يوسف ، بجانب الحديث عن فيلمه “يوم 13″.
حيث قال:”كل ما حد يشوفني يسألني على فيلم ولاد رزق الجزء الثالث، وصلاح الجهيني لسه شغال عليه لأنه تحدي كبير لينا، وأنا مستنيه زي الناس بفارغ الصبر”.
وتحدث عن فيلمه يوم 13، قائلاً:”يوم الوقفة كنت حاسس إن هيحصلي حاجة، كنت مستني نجاح فيلم يوم 13 كأني مستني نتيجة الثانوية العامة وحسيت إن روحي بتطلع، والفيلم مشتغلش من أول اليوم، اشتغل من حفلات 6 بليل، وكلمت شيكو وكان له فيلم في العيد وطلع هو كمان زيي وفضلنا نفضفض لبعض ونطمن بعض إن أفلامنا هتنجح”.
وتحدث عن مسلسله” سوتس بالعربي” الذي عرض رمضان 2022 قائلاً :” مسمعتش النسخة الأجنبية قبل ما أجسد دور آدم، ولما اتعرض عليا سيناريو سوتس بالعربي عجبني جدًا”.
وتابع:” المخرج قالي لازم تشوف النسخة الأجنبية، وبالفعل شوفت حلقتين بس قررت أعمل شخصية جديدة تتماشى مع المجتمع المصري، لأن زين “آسر ياسين ” والشخصية اللي كنت بقدمها كانوا أقوياء فأنا قولت هخلي زين قوي زي ما هو وأنا هقدم آدم بتلقائية، والناس انتقدتني في البداية بس الحمد لله المسلسل نجح في الآخر”.
Views: 0
مساحة إعلانية
مساحة إعلانية