تتألق الفنانة الشابة منة فضالي خلال السباق الرمضاني لعام ٢٠٢٣ في دور “نرجس” احدى زوجات محمد رمضان بمسلسل “جعفر العمدة”.
وفي لقاء خاص لها مع الإعلامية أميرة بدر أكدت للمرة الثانية أن ياسمين صبري سيدة جميلة ولكنها ممثلة ضعيفة.
وأوضحت وجهة نظرها هذه المرة قائلة: التمثيل عايز موهبة، ولو معنديش موهبة يبقى أدرسه مش عيب، ممكن النهاردة أكون لسه بادئة ومبعرفش امثل، بس مينفعش اعمل بطولة.
وأضافت: لو هي عايزه تبقى بطلة تشتغل على نفسها، علشان محدش يعلق عليها، هي ممكن تكون ممثلة جيدة ولكنها مش ممثلة موهوبة.
وبسؤالها عن الفرق بين مفهوم الممثلة الجيدة والممثلة الموهوبة قالت “الموهوبة دي بتمثل طبيعي، بشكل تلقائي، متعرفيش هي بتمثل ولا ده حقيقي”.
وبمباغتتها بسؤال عن كيفية حصول ياسمين صبري على أدوار بطولة أجابت “انا معرفش هي أخدت أدوار بطولة ازاي، متسألنيش أنا، هي ست جميلة وكلاس وبتشرف مصر في حاجات بره، وبتعمل سيشنات لحاجات مهمة”.
واستكملت: هي كانت عاملة دور حلو في “الاسطورة”، وده لان المخرج محمد سامي لو واحد مبيعرفش يقول كلمة هيخليه يقول.
وأردفت: كل من اشتغل مع محمد سامي كسب، بس صعب انك تعرفي تحافظي، يعني هي جاتلها فرصة حلوة اوي، بس مستغليتهاش مظبوط.
وعن إمكانية قبولها بوضع أسمها بعد اسم ياسمين صبري بتتر عمل فني يعملون فيه سويا قالت “صعب أوافق ان اسمي يتحط تحت اسم ياسمين صبري في تتر عمل فني، بنشتغل فيه مع بعض، انا مقدرش أقول على نفسي هايلة، محدش بيقيم نفسه، لكن كل واحد عارف مقدرته وهو قادر يعمل اي وميقدرش يعمل اي”.
يذكر أن منة فضالي تشارك في رمضان ٢٠٢٣ بدورين وهم “نرجس” في مسلسل “جعفر العمدة”، و”فاطمة” في مسلسل” سره الباتع”.
والجدير بالذكر أنها تستعد للمشاركة في مجموعة من الأعمال لم تعرض بعد منهم “في القلب، مغامرات كوكو، روحي لك”.
Views: 1
مساحة إعلانية
مساحة إعلانية