فنان كوميدي عاش على أنغام الموسيقى وتربى على حب الناس، له أدوار كثيرة في السينما المصرية ويعشق الفنون المسرحية..
الفنان حمدي حفني في حوار مهم وخاص للقائد نيوز
حمدي حفني ممثل مصري خريج المعهد العالي للفنون المسرحية بدأ مشواره الفني عام 1988، وقدم عدة أعمال فنية متعددة منها يوم من الأيام كما شارك في فيلم كتكوت وأمل فاتن حربي وضيف شرف في مسلسل توبة بطولة الفنان عمرو سعد.
وجاء نص الحوار كالتالي:
–آخر أعمال حضرتك الفنية؟
طلعت ضيف شرف في مسلسل الفنان عمرو سعد مسلسل توبة وكمان شاركت في العمل الجميل أمل فاتن حربي مع النجمة نيللي كريم وشريف سلامة المسلسل اللي حقق بفضل الله نجاحات كبيرة جداً في رمضان 2022.
–عرفنا عن أعمالك الفنية المقبلة التي يتم التجهيز لها حالياً ؟
بنجهز حالياً لعرض مسرحي صيفي كوميدي في الفترة المقبلة مكتوب بطريقة كويسة ودوري فيه إن شاء الله يبقى كويس ويعجب الناس.
–عمل فني لحضرتك بتحب تتفرج عليه؟
كل عمل فني شاركت فيه بحبه جدا لأن مفيش ممثل هيقدم عمل فني هو مش راضي عنه.
–أكتر إفيه أو جملة حضرتك قولتها مسمعة مع الجمهور في الشارع ؟
طبعا بلا شك إفيه يلا شجعني إيه رأيك في السويد المشهد اللي جمعني مع محمد سعد في فيلم كتكوت.
–شخصية فنية قدمتها وكانت قريبة من حضرتك علي أرض الواقع..؟
أيهما أقرب لشخصية حمدي حنفي .. كوميدي أم تراجيدي ؟
أنا من نوعية الممثلين اللي بيجيلي الورق بقرأه بشوف إيه المطلوب وبعمله سواء كان تراجيدي أو كوميدي معنديش مشكلة.
أقرا أيضا : حمدي الوزير في حالة خطرة والجماهير يسيطر عليها القلق
–في الوقت الحالي العمل المسرحي بيتهرب منه فنانين ونجوم كبار فلماذا؟
لأن المسرح إلتزام ومحتاج جهد وشغل كبير واتصال مباشر مع الجمهور بسبب كده الفنانين بيستسهلوا وبيختاروا اللي ميتعبهمش.
Views: 8
مساحة إعلانية
مساحة إعلانية