الكاتبة “ميرنا الهلباوي” تشارك تفاصيل رحلتها مع المعجبين 

 

شاركت الكاتبة و الإعلامية “ميرنا الهلباوي” صورة جديدة عبر الإنستجرام الخاص بها تعبر عن سعادتها بقضاء هذا اليوم فى إيطاليا.

وقد أعربت “ميرنا الهلباوي” عن سعادتها العارمة اليوم قائلة: حاجات خلتني سعيدة أنهاردة زيادة 1- لما بوقف حد معرفهوش و ألاقيه يصورني صورة حلوة زي دي”.

وأضافت الآتي ؛-

2- لما يعدي الوقت وأنا بتمشى وبتفرج على الشوارع وأبص فى الساعة ألاقي إني بقالي 3 أو 4 ساعات ومش حاسة بالوقت.

3- لما أنا و الناس نبتسم لبعض وإحنا معديين من جنب بعض فى الشارع.

4- لما بلاقي إني بعرف اتبسط واستمتع لوحدي ومش محتاجة حد معايا.

5- لما ماما كلمتني أنهاردة وقالتلي شكلك زي القمر.

6- كل الرسايل الطيبة و الجميلة اللي بتجيلي منكم هنا وأنا مسافرة.

7- لما ببقى رايحة فى الطريق فى مكان معين وفى طريقي ألاقي مكان أحلى و أحلى.

8- لما ببص للسما و أنا ماشية وبشكر ربنا وبحمده بصوت عالي على اللحظات الجميلة اللي بعشها و اللي بيعيشهالي عشان يجبر بخاطري.

9- لما بلاقي ناس معرفهمش لكن هما يعرفوني و جايين لي مخصوص عشان يسلموا عليا.

10- كل مكالمات أصحابي اللي مبسوطين لي من قلبهم.

11- إنى مش خايفة من أي حاجة.

وكانت قد صرحت الكاتبة “ميرنا الهلباوي” منذ يومين عبر أستوري الإنستجرام الخاص بها أن هذه الرحلة تدور حول نفسها فقط و أنها تسعى لإسعاد نفسها والإبتعاد عن الناس مؤكدة أنها دائما كانت تهتم بالناس أكثر من نفسها لذلك هي تسعى خلال هذه الرحلة إلى الإسترخاء و الراحة والإحساس بمتعة السفر بمفردها خاصة أنها مفتقدة هذا الشعور فهي لم تسافر بمفردها منذ عام 2018.

Visits: 2