الخطيب: يشكر أعضاء المجلس السابق، وسبب اختيار حسام غالي ومي عاطف واستبعاد الدرندلي

تحدث الكابتن محمود الخطيب رئيس النادي الأهلي مع الكابتن أحمد شوبير خلال تواجده معه ببرنامج ملعب أون تايم عن سبب اختيار غالي ومي واستبعاد الدرندلي.

وصرح الخطيب: إن كل التقدير لـ إبراهيم الكفراوي وجوهر نبيل ورانيا علواني أعضاء مجلس الإدارة المنتهي ولايته الذين لم يتم ترشيحوا في الانتخابات وتقبلوا القرار وأصبحوا مساندين للقائمة ..هم أبناء الجمعية العمومية ويسعون دائماً لتحقيق مصلحة النادي وجاهزون لخدمة النادي سواء كانوا داخل القائمة أو خارجها.

وتابع: ” تعبت جدا الفترة اللي فاتت مع الفريق، ففكرت بحد يكون قريب من الكورة، فا اختارات حسام غالي إيه المانع إنه يكون موجود ويكون منسق بين شركة الكورة، وحسام لازم يبقى له دور في المساعدة “.

وتابع : ” فيه أمور مينفعش الكلام فيها، انا أخترت الناس اللي بتحقق مصالح النادي الأهلي.. وحق الاختيار هو حق أصيل لأعضاء الجمعية العمومية وميحبوش إن يبقى فيه مشاكل موجودة كدا.. وهما بيعرفوا يفرزوا كويس ويفكروا كويس ويشوفوا مين المجموعة اللي تقدر تحقق مصلحة النادي الأهلي، وصوتهم بيكون أولى لذلك”.

وواصل : اخترنا مي عاطف تحت السن ضمن القائمة يأتي في ضوء رؤيتنا للمرحلة القادمة ومن منطلق التفكير في مستقبل النادي، ومي بطلة سباحة مع الأهلي والمنتخب الوطني حققت ‏إنجازات قارية وعالمية ولم تأخذ حقها في إبراز إنجازاتها الرياضية، ومهندس معماري تستطيع القيام ‏بدور في غاية الأهمية بالمجلس فيما يخص الملف الانشائي ووالاهتمام بالمرأة.

وصرح أيضا: ” أمانة الصندوق التقليدية اللي إحنا متعودين عليها لازم تتغير لازم تروح للعالمية عندنا خالد مرتجي عنده علاقات عالمية عنده القدرة لنقل النادي اقتصادياً عالمياً لو هنتكلم على الخبرة المالية يبقى المدير المالي هو أصلح واحد للمنصب دا بقاله 20 سنة إحنا بندور على التطوير فسيكون لازم نطور المنصب دا “.

اختتم حديثه : معايير اختيارك للأعضاء؟

هو معيار واحد، مصلحة الأهلي حتى لو على حساب مصلحتك الشخصية.

Views: 0