هبة السيسي فنانة مصرية قدمت أعمال فنية متعددة متنوعة سواء كان في عالم الدراما التليفزيونية مثل الصعلوك ومسلسل ستات قادرة أو عالم السينما مثل كتكوت مع النجم محمد سعد أو فيلم حليمو أو عالم المسرح مثل ولاد الذينة أو مسرحية إس إم إس.
والجدير بالذكر بأن الفنانة هبة السيسي قد استطاعت أن تحصل على لقب ملكة جمال عارضات الأزياء عام (2003)، ثم الحصول على ملكة جمال مصر(2004).
الفنانة هبة السيسي في حوار مهم وخاص للقائد نيوز..
وجاء نص الحوار كالتالي:-
–حضرتك بدأتِ إعلانات موديل ثم بعدها أنتقلتِ لعالم الفن، الربط بين الفن والإعلانات في البدايات حصل إزاي؟
كلا النوعين بيكملوا بعض لما بدأت موديل إعلانات جالي أستاذ يوسف المسؤول عن مسابقة ملكة جمال مصر يعرض عليا المشاركة في المسابقة وعلى أساسها كانت البداية.
واستكملت الفنانة هبة السيسي قائلة إن مسابقة ملكة جمال مصر بعد الفوز بها كان سبب لدخولي عالم الفن والتمثيل وده لأن لقب ملكة جمال مصر طرحني على المنتجين والمخرجين فتم ترشيحي واختياري لعدة أعمال فنية.
–حضرتك قولتِ إن فوز حضرتك بمسابقة ولقب جمال مصر غير حياتك وتجربة لا تنسى.. إيه السبب في كونها تجربة لا تنسى؟
السبب في كده هو لحظة الاعلان عن ملكة جمال مصر وفوزي بها كانت لحظة لا تنسى وكنت مبسوطة جداً كإني طايرة من على الأرض شعور مميز وممتع لأن اللقب والفوز به كونك ملكة جمال مصر لقب صعب جدا هو في كم ملكة جمال في مصر.
حضرتك قدمتِ مسرح مثل مسرحية ولاد اللذينة وقدمتِ سينما مثل كتكوت وقدمتِ دراما مثل ستات قادرة، إيه الفرق بين الثلاثة السينما والمسرح والدراما التلفزيونية؟ ولماذا معظم الفنانين بيقلقوا من العمل المسرحي؟
أنا بحب أشتغل مسرح جداً ومعنديش حاجة اسمها الخوف منه أو الوقوف أمام الجمهور، والسبب في كده إن شغل الموديل شبه المسرح من حيث الوقوف على المسرح أو الاستيج ورؤية الجمهور كل الاختلاف فقط في الحوار أو نص مكتوب بيتقال على المسرح، فالعمل المسرحي بنسبالي ممتع وجميل جداً.
وكمان الصعلوك غير ستات قادرة غير كتكوت الفيلم اللي شاركت فيه مع النجم محمد سعد، الصعلوك كان مع الفنان خالد الصاوي وشغله جميل جدا وممتع، وستات قادرة كان بيتكلم عن مجموعة من الستات اللي بيتجمعوا مع بعضهم البعض.
–عمل فني كان نقله في حياتك الفنية؟
أقدر أقول بصراحة إن لقب ملكة جمال مصر هو اللي غير حياتي كلها وده لإنه السبب الرئيسي في دخولي الفن وطرح إسم هبة السيسي أمام أعين المنتجين والمخرجين.
–دخلتِ عالم الفن إزاي؟
كنت مع ناس صحابي وكان متواجد شخص مسؤول من الدعاية والإعلان وقالي عندي كليب لهيثم شاكر تحبي تعملي كاستينج، وابتدء من هنا كل المكاتب تكلمني وبقيت من أشهر الموديل الموجودين من خلالها ابتدء التنقل لملكة جمال مصر للتمثيل.
–هل كان في عواقب كانت تقف أمامك في بداية دخولك لمجال الفن؟
لا بالعكس كل حاجه كانت ماشية كويس وسهله معايا كان حظي حلو.
–هل شخصيتك في التمثيل قريبه في الواقع؟
أنا بحب الضحك والهزار ونفسي أعمل حاجه كوميدي شخصيتي قريبة منها أكتر.
–الأعمال الفنية اللي حضرتك بتقدميها في الوقت الحالي؟
حالياً بقدم برنامج على قناة الشمس اسمه بنشتري راجل بيشاركني في تقديمه مروة عبد المنعم وبسنت النبرواي.
إقرأ أيضاً: “برج الحوت” دينا الشربيني في ضيافة منى الشاذلي والبرومو يشوق الجمهور
Visits: 0
مساحة إعلانية
مساحة إعلانية