كتب وصيته قبلها.. القصة كاملة لوفاة تامر ضيائي

كتبت: هناء عزمي

تصدر اسم الفنان تامر ضيائي محركات البحث وأصبحت قصة وفاته تريند لوسائل التواصل الاجتماعي.

رحل الفنان تامر ضيائي عن عالمنا مساء يوم الأربعاء، بسبب فرد أمن وتعديه عليه بصفعة وبدء مشاجرة معه.

https://www.facebook.com/share/v/VsymHsjata7HzNpw/?mibextid=oFDkn

كان الفنان والمؤلف تامر ضيائي في صحبة زوجته التي تتعالج من مرض السرطان، وكانا يغادرات من مستشفى سرطان الثدي في التجمع الأول، وكما صرح صديقه وقال: فيديو كاميرا المراقبة مقصوص جزء منه وفرد الأمن بدء الشجار لأن تامر محترم، بعد دخوله بالكرسي وفرد الأمن اعترضه وإتكلموا شوية بعدها تامر رجع بالكرسي المتحرك بتاع زوجته وبعدها حصلت المشاجرة.

وصرح الدكتور أشرف زكي نقيب المهن التمثيلية عما حدث قبل وفاته من مشادة مع شخص ما وجاري التحقيق في الأمر بقسم شرطة التجمع الأول.

https://www.facebook.com/share/v/8um5NrrmHmzZL2Re/?mibextid=oFDknk

وكان الفنان تامر ضيائي قد كتب وصيته قبل خمسة أشهر عبر حسابه على الفيسبوك تحت عنوان لها “وصية”.

كما وضح فيها أن جميعنا تحت الموت وليس هناك مهرب منه وأنه سيأتي يوم ونموت وقال: بوست الوصية ده هيفضل باين على صفحتي لحد ما أموت، الحقيقة اللي كلنا عارفينها ومتأكدين منها أننا كلنا ربنا كاتبلنا إننا نموت في ميعاد محدد غير معروف، وعشان كده كتبت الكلام ده لإني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد.

وذكر تامر ضيائي عدة نقاط يريدها أن يتم تنفيذها كما ذكر في وصيته وهم:

1- صلاة الجنازة أهم من العزاء وهي اللي كل ما العدد زاد كل ما ثوابي ما كان أكتر، فأرجوكم تصلوا عليا.

2- مش شرط تيجس العزاء وياريت لو إتعمل في البيت أو مكان بسيط بفلوسه تطلعولي صدقة جارية أفضل.

3- من فضلكم لم يثبت أو يتفق عليه عمل ختمة قرآن للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش، وأدعولي الوقت اللي هتقروا فيه جزء فضوا نفسكم وإقعدوا إدعوا فيه.

4- بلاش صدقة جارية تقليدية وسهلة ومش مستفاد بيها يعني المصاحف كتير في مصر أوي وكل بيت فيه كتير فممكن نحط الفلوس في جامع بيتبني أو كرسي متحرك في مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.

5- دي نقطة مهمة أوي بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب، الكلام ده غلط، سيبوهم يعيطوا لحد ما يطلعوا كل الشعور اللي عندهم ومفيش حاجة بتقول إن العياط معناه عدم رضا بقضاء ربنا «وأبيضت عيناه من الحزن فهو كظيم».

6- أهم حاجة تاني هي الدعاء وبس والصدقة.

7- من فضلكم تكثروا الدعاء وقت نزول القبر وتتصدقوا بأي حاجة بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زي دي.

8- الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني.

9- اللي بيحبوني يدعولي كتير عشان لو مفيش حد يدعيلي.

10- دى مهمة أوي.. عاوز الكل يسامحني على أي حاجة عملتها فيه بقصد أو بدون قصد.

وتوفى بعدها بخمسة أشهر وكأنه كان يشعر بما سيحدث بعدها كتب وصيته لكل جمهوره على الفيسبوك.