![](https://alqaednews.com/wp-content/uploads/2024/05/IMG-20240514-WA0063.jpg)
كتب: يوسف عبد الرحمن
كشفت شقيقة “سالي” ضحية سائق أوبر عن تفاصيل الحادث من خلال مداخلة هاتفية ببرنامج “الحكاية” الذي يقدمه الإعلامي “عمرو أديب” على قناة “mbc مصر”، قائلة: “أختي كانت رايحة فرح في زايد، ومكنتش قادرة تسوق العربية فأنا طلبت لها من تليفوني أوبر علشان تروح وترجع علطول، ومكنتش متخيلة يحصل لها زي اللي حصل لفتاة الشروق”.
وأوضحت: “سائق أوبر أخذ أختي على منطقة في الصحراء وبعدين وقف العربية وقتها كانت تستمع للقرآن الكريم في سماعة الأذن، وفجأة أوقف العربية وقال لها أنا عطشان جدًا بس المياه في شنطة العربية فسمحت له بشرب الماء ليفاجئها بغلق السيارة عليهما، وفرد كرسي القيادة على الكنبة من أجل اغتصابها”.
وتابعت: “هددها بآلة حادة تشبه الكاتر أنها حال لم تخضع له ويغتصبها سيقوم بقلتها، ولكنها ظلت تقاوم، ليضع الكاتر على رقبتها ولكنها أفلتت من الكتر وظلت تقاوم بقدميها لإبعاده عنها”.
واستكملت: “أختي ظلت تقاوم سائق أوبر وقالت له انت هتموتنى بس مش هتلمسنى ومسكت الآلة الحادة اللي كان بيهددها بيها، ولكنها تعرضت لكدمات في جسمها ونزيف في الذراعين والرقبة خلال عملية المقاومة”.
وأضافت: “سائق أوبر كان واخدها في حتة مقطوعة خالص ومسكت السكينة وزقته برجليها وقال لها إنتي مجنونة دمك سايح قالت له هافضل أقاوم و مش هتلمسني، لحد لما السواق استشعر الخطر لما قربت منه سيارة لوري فخاف وهرب ورماها”.
وأردفت: “ربنا بعت لأختي سائق لوري غلبان وطيب في الصحراء علشان ينقذها، وسواق اللوري جابلها بطانية وغطاها بيها وطلع راجل غلبان وطيب وقال لها انتي امانة في رقبتي وبعدين فيه ناس كملتني وروحت بيها المستشفى”.
وأكملت: “صدمة خطف أختي ومحاولة اغتصابها كانت رهيبة ومأساوية، إحنا لقينا أختي مرمية في الصحراء وملفوفة بالبطانية”.
مساحة إعلانية