![](https://alqaednews.com/wp-content/uploads/2024/04/IMG-20240416-WA0050-780x470.jpg)
حوار: ياسر خالد
*فيه كتير كانوا دور تاني بقوا دور أول فدي حاجة فرحتني جدًا
*كنت عايزة أشوف كل المسلسلات في أول رمضان وكان عندي فضول رهيب ليها
*بحب الـ15 حلقة أوي وبفضلها أكتر من الـ30 حلقة بكتير
*دلوقتي كله بيسعى ورا الأحداث السريعة أكتر وإحنا عايزين كل حاجة تحصل بسرعة
فنانة شابة موهوبة بدأت مشوارها الفني من خلال مسلسل “حكايتي” مع الفنانة ياسمين صبري في عام 2019.
![ناردين عبد السلام](https://alqaednews.com/wp-content/uploads/2024/04/FB_IMG_1713114174684-225x300.jpg)
وقد كان العمل جواز مرورها إلى عالم الفن، والذي دخلت من بعده إلى عالم السينما من خلال فيلم “كازابلانكا” للفنان أمير كرارة في نفس العام.
لتقدم بعدها مجموعةً متنوعةً من الأعمال التراجيدية والكوميدية في الدراما والسينما، والتي تنوعت أدوارها خلالها بين الخير والشر.
![ناردين عبد السلام](https://alqaednews.com/wp-content/uploads/2024/04/FB_IMG_1713114239413-300x300.jpg)
ولعل الدور الأبرز في مشوارها الفني دور الممرضة أحلام، الذي قدمته في مسلسل “وسط البلد” في عام 2022، والذي يُعد أول سوب أوبرا مصري.
وخلال رمضان لهذا العام، شاركت في عملين دراميين، الأول هو “الكبير أوي” مع الفنان أحمد مكي، والذي قدمت من خلاله شخصية نسمة، أما الثاني فهو “جودر” مع الفنان ياسر جلال، والذي جسدت خلاله شخصية ياسمينا.
![ناردين عبد السلام](https://alqaednews.com/wp-content/uploads/2024/04/FB_IMG_1713114308068-220x300.jpg)
إنها الفنانة الشابة ناردين عبد السلام، والتي كان لموقع “القائد نيوز” معها هذا الحوار الممتع والشيق حول دوريها في “الكبير أوي” و”جودر”.
حدثيني عن شخصية ياسمينا التي تقدمينها في “جودر”.
ياسمينا هي جارية طيبة أوي والدور تراجيدي.
![ناردين عبد السلام في كواليس جودر](https://alqaednews.com/wp-content/uploads/2024/04/FB_IMG_1713114133916-278x300.jpg)
هل كان صعبًا أن تقومي بتصوير “الكبير أوي” و”جودر” في نفس الوقت؟
صورت كل واحد لوحده مش مع بعض.
وهل هذه هي المرة الأولى التي تعملين فيها مع المخرج أحمد الجندي والمخرج إسلام خيري؟
أحمد الجندى لا طبعًا اشتغلت معاه كتير أوي، إسلام خيرى أول مرة.
![ناردين عبد السلام في كواليس الكبير أوي](https://alqaednews.com/wp-content/uploads/2024/04/FB_IMG_1713114181898-240x300.jpg)
وهل جمعتكِ أعمال بالفنان ياسر جلال قبل “جودر”؟
اشتغلت معاه في “ضل راجل”.
وما رأيكِ في تنوع الأعمال الدرامية التي عُرضت في رمضان؟
كل المسلسلات كانت عاجباني جدًا وحاسّة فيه تنوع وحاجات جديدة، ونجوم جديدة بدأت تظهر على الساحة ودي حاجة حلوة أوي.
![ناردين عبد السلام](https://alqaednews.com/wp-content/uploads/2024/04/FB_IMG_1713114249740-297x300.jpg)
فيه كتير كانوا دور تاني بقوا دور أول بقوا أبطال، فدي حاجة فرحتني جدًا، وكل المسلسلات بصراحة عاجباني أوي وكلها متنوعة جدًا.
فكنت حابة أتفرج في الأول على كله، وبعد كده حددت هكمل في أي مسلسل وإيه المسلسلات اللي هوقفها، بس كله كنت عايزة أشوفه كان عندي فضول رهيب.
وفكرة إن رمضان السنة اللي فاتت ماكنش بنفس الأعمال الضخمة زي السنة دي، فكنت متحمسة جدًا.
وكيف ترين وجود 19 عملًا من 15 حلقةً؟
الـ15 حلقة أنا بحبها أوي وبفضلها أكتر من الـ30 حلقة بكتير، مايبقاش فيه مماطلة في الأحداث فتبقى الأحداث سريعة.
![ناردين عبد السلام](https://alqaednews.com/wp-content/uploads/2024/04/FB_IMG_1713114276608-200x300.jpg)
فدلوقتي كله بيسعى ورا الأحداث السريعة أكتر، إحنا أصلًا دلوقتي في عصر السرعة يعني، عايزين كل حاجة تحصل بسرعة.
مساحة إعلانية