كتب: ياسر خالد
أثارت الفنانة هبة حسن جدلًا واسعًا خلال الفترة الماضية بعد كشفها عن سر خلافها مع النجمة ريم البارودي، لافتة إلى أنها قامت بتجاهلها في الدعايا الخاصة بحكاية “بنات السباعي” من مسلسل “حد فاصل”.
هبة حسن تُفجر مفاجأة بشأن خلافها مع ريم البارودي: “تجاهلتني وبقيت أعمل زيها”
وقالت هبة حسن خلال لقاءها في برنامج “القاهرة اليوم”، أنها اندهشت من تجاهل ريم البارودي لها، خاصةً أنهما أبطال عمل “بنات السباعي”.
وعلقت هبة: “أنا متعودة دايمًا إن في أي عمل بنعمل منشن وتاج لبعض عشان بيبقى في ناس أكبر بتشوف الحاجات دي زي ما حصل معايا في مسلسل بابا المجال”.
وأردفت: “وأنا بصراحة هنا تخيلت إن أنا وريم ممكن نعمل كده عشان الحدوتة قائمة على البنتين وأزواجهم والأب والأم، فالمفروض نبقى مع بعض أوي علشان عايزين المسلسل ينجح أكتر”.
وتابعت هبة: “أنا فوجئت إنها بتنزل صور وستوريهات ومش بتعمل لي منشن، بتعمل لمساعدين الإخراج والستايلست والممثلين كلهم إلا أنا”.
وأضافت هبة: “فبدأت أنا كمان أعمل زيها وعشان متزعلش مني بقيت أكتب أميرة ومسعد أنا وحجازي مش حابه إني أكتب كل الناس واسيبها هي بس، كنت متخيلة إن هيبقى في تعاون ما بينا بجد”.
وشارك في حكاية بنات السباعي كل من: هبة حسن ومحمود حجازى وأحمد جمال سعيد ومحمد التاجي وهناء الشوربجى وريم البارودى وغيرهم من النجوم، تأليف محمد إبراهيم عوض وإخراج تامر حمزة.
مساحة إعلانية