كتبت: هناء عزمي
صرح الفنان مسلم عبر فيديو قام بتنزيله على حسابه الرسمي على موقع الإنستجرام موضحاً فيه سعادته العارمة بحدوث شيء مميز له.
وأعرب لنا عن فرحته في سطور قائلاً : «النهاردة أكتر يوم أنا مبسوط فيه في حياتي وعمري ما هنساه يوم رحمة من ذل وتعب وإرهاق وسنين معافرة».
وأضاف موضحاً: «النهاردة تم فسخ العقد بيني وبين المنتج المحترم سلطان الشن، الحمد لله بشكر ربنا وبحمده على كل حاجة، أنا كان نفسي الحاجات دي تخلص بدون مشاكل بس أنا استنيت قانون بلدي وربنا نصرني والحمد لله مشيت
مرضي».
كما أشار لنا عن راحته الكبيرة الناتجة عن حدوث ذلك الشيء قائلاً: «مش عايز حاجة غير إني أبقى في حالي وأشتغل، نفسي أكبر ويبقى عندي أمل أعمل حاجة لكن الموضوع ده كان معطلني وضاغط على نفسيتي، وبعد كده مفيش قفل أغاني تاني ولا أي حاجة وحشة بتحصل لي».
وصرح لجمهوره عما سيحدث فيما بعد وعن أغانيه وعن نذوره الذي سيفي به قائلاً: «فيه حاجات كتير حلوة جاية وأغاني كتير بتتعمل جديدة ودويتوهات حلوة كتير.. أنا كنت نادر ندر أن لو ده حصل هدبح 3 عجول، إن شاء الله يومين وهدبحهم وكل اللي محتاج حاجة يكلمني، وأي أخت نفسها تفرح وأجليها الفرح تكلمني».
وأخيراً طلب من جمهوره أن يدعي كثيرا للفنان عصام صاصا ان يفك كربه بعد الحكم عليه بسجن 6 أشهر قائلاً : «دعواتكم الحلوة لأخونا عصام صاصا ربنا يخرجه بالسلامة وإن شاء الله يرجع لأهل بيته».
مساحة إعلانية