![](https://alqaednews.com/wp-content/uploads/2024/07/IMG-20240723-WA0375-730x470.jpg)
كتب: لؤي هشام
هاجم أحمد زاهر المدير الإداري لنادي بيراميدز، منظومة الكرة المصرية واتحاد الكرة، بعد خسارة فريقه أمام الأهلي أمس الأثنين، في مباراة جمعت الفريقين ضمن منافسات الدوري الممتاز.
وكتب أحمد زاهر عبر حسابه على موقع التواصل الاجتماعي فيسبوك: الله أبطال إن إحنا بننافس.. العب من غير الشيبي ده موقوف.. حاضر، العب من غير رمضان صبحي وهو في أعلى فورمة وكان رايح منتخب بحجة منشطات وهمية.. حاضر.
وأضاف: إبراهيم عادل واحد من أحسن اللاعيبة في مصر هيلعب معاك وبعدها يسافر.. لا معلش ده مصاب يوم 12 ويلعب مع المنتخب 14 سبحان الله، مع إن حقى إنه ميروحش خالص.. بس برضه حاضر.
وأشار: أكتر حاجة مضحكاني في موضوع إبراهيم عادل تصريحات عضو مجلس الجبلاية، إن اتفاق لعب إبراهيم عادل اللي هو حقي أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا.
وواصل: إعادة شوط سموحة مع إن اللائحة واضحة وبتقول المباراة تحتسب لبيراميدز.. بس برضه تاني حاضر، أول فريق يلعب بعد التوقف الدولي بيومين مع إن عنده نص الفريق مع المنتخبات في مخالفة صريحة للائحة.. حاضر.
وأكمل: أنت لازم تلعب الساعة 4 وبعدها 5 ونص في عز الحر مع إني بنافس، بس المنافس يلعب عادي بالليل.. حاضر، ومعلش أصل حكم مباراة المقاولون المفروض ميحكمش كارت معاهم لوقت اللزوم نطلعه ظلم واضح من حكام مباراتين الدوري.. ويقولك الدوري ذهب لمن يستحق.
واختتم: ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة.. إحنا أبطال والله.
https://www.facebook.com/share/p/JMzf1qj18CwYyNLc/?mibextid=oFDknk
وكان قد خسر بيراميدز من النادي الأهلي في مباراتين الدوري بعد 14 فوز متتالي.
والجدير بالذكر أن بيراميدز يتصدر ترتيب جدول الدوري المنتاز برصيد 68 نقطة بعدما خاض 29 مباراة، فيما يأتي الأهلي في المركز الثاني برصيد 66 نقطة من 26 لقاء.
مساحة إعلانية