بيحصلي نفس الموقف.. عمر كمال يكشف عن موقف يجمعه بمحمد فؤاد

 

كشف مطرب المهرجانات عمر كمال في لقاء بودكاست “فايق ورايق” من تقديم الإعلامي إبراهيم فايق، عن موقف جمعه بالمطرب محمد فؤاد في بداية مشواره الفني.

وقال عمر كمال خلال لقاءه: “سافرت من السويس للقاهرة على أمل أن أتقابل بمحمد فؤاد، أنا واحد غايته في الحياة إنه يقابل محمد فؤاد وكنت عايزه يديني أي كتف إن شاء الله أشتغل عنده في البوفيه عادى هتعلم منه أي حاجة”.

وأضاف “كمال”: “كنت بروح كل يوم عند بيته ومبيجيش، وبعدين لما جه رمضان لقيت واحد طالع يمسح العربية، عرفت إن محمد فؤاد جاي، فرحتله وقلتله أنا بعشقك وبحب أنفعك وبشتري الشريط الأصلي مش المضروب، وبقعد في أول صف في حفلاتك في دريم بارك، قالي ربنا يخليك يا عمورة شكراً يا حبيبي”.

وتابع: “قلتله صوتي حلو ونفسي تسمعني، قالي سمعني، فغنيتله أغنية قلبي خبي لـ عبد الحليم حافظ قال لي جدع صوتك حلو وييجي منه يلا ربنا يوفقك، ونادى على ولد يطلعله العربية قلتله يا أستاذ أنا جايلك عشان تديني كتف، قاللي يا عمر روح قدم في برامج أصوات كتير دلوقتي، لكن أنا مش بقدم حد”.

واختتم حديثه قائلاً: “هو برضه كان عنده حق دلوقتي بيحصلي نفس الموقف وبقول نفس الرد وبقولهم إعمل أغنية ونزلها على التيك توك هتنتشر وإعمل محتوى كويس”.

يذكر أن أخر أعمال الفنان عمر كمال أغنية “أنا بطل السوق”، وهي من كلمات أحمد يوسف الجوكر ومصطفى الجن، ومن ألحان رمضان البرنس.

Views: 14