أفشة: “ارتباط اسمي بالقاضية ساعات بيظلمني أنا سجلت أهداف مهمة كتير”

ظهر محمد مجدي “أفشة” نجم النادي الأهلي ومنتخب مصر، مع الإعلامي الرياضي إبراهيم فايق، في برنامج الكورة مع فايق، والمذاع على قناة MBC مصر 2.

وتحدث أفشة عن ظهوره برفقة والدته في الأرض الزراعية، وقال: “ده كان يوم حلو في البلد، كنت بتمرن عندنا في ملعب خماسي، والدي كان عنده لعب هو وأخويا ولعبت معاهم، والدتي كانت رايحه الأرض هي والبنات الصغيرة، فقولت أروح معاهم أساعدهم بقى”، متابعًا: “عمرنا مانتغر عشان عندنا اصل الل عنده اصل عمره مايتغير”.

 

وأضاف: “السولية الوحيد اللي مبيضحكش في الفريق، في مرة في تمرين مترجم المدرب بيقول المرمي اللي هنجيب فيه جول هنعمل له بلوك، روحت قايل وأنا هروح اعمل له فولو تاني، السولية راح ساب التمرين وجري ورايا”.

 

كما تحدث أفشة عن بعض الجمل التي تصدر، وقال: “في حاجات كتيرة بتطلع مني لكن مش متصورة زي عبارة” الخوف من اللي جاي”.

 

وأوضح: “نهائي القرن أمام الزمالك أصعب مباراة وهدف القاضية ظلمني أنا معايا 15 بطولة في 5 سنين ولسه باقي بطولتين السنادي”.

 

وتابع: “أنا منظم في حياتي وفي الكرة وأنفذ تعليمات المدرب بكل حذافيرها حتى لو غير صحيحة لأنه المدرب”.

 

وأضاف: “أنا فاكر كل تفاصيل أسبوع مباراة نهائي القرن، ودي أعظم حاجة ربنا ادهالي، سعد سمير قالنا احنا لو خسرنا هنتمرن أون لاين، والسولية قال أنا عايز أعيط من الفرحة، وعمري ما هنسى الكلمتين دول، السولية لما لعبها طويلة أنا توقعت إن هيبقى فيه كورة تانيه هتيجي”.

 

وعن ارتباط اسمه بلقب القاضية، قال: “ارتباط اسمي بالقاضية ساعات بيظلمني، مش دي الحاجة الوحيدة اللي أنا عملتها، سجلت أهداف مهمة في بطولات كتير”.

 

واستكمل: “95 ٪؜ من المصريين مبيفهموش فيما يحدث داخل الملعب وبيتكلموا في الكورة ومعظم المحللين بيحبوا ويكرهوا ومبيعرفوش يحللوا كورة”.

 

وأردف: “أكبر نعمة من ربنا عليا أن هدفي في الزمالك في نهائي القرن يكون أهم هدف في تاريخ الكرة المصرية”.

 

وعن آخر ظهور للاعب محمد صلاح حالقًا رأسه، قال مازحًا: “محمد صلاح بقي شبهي دلوقتي”.

 

وعن فكرة جلوسه في دكة الاحتياط، قال: “مش هفرح طول منا مبلعبش لكن في ناس تانية ممكن تقعد دكة عادي”، مشيرًا: “كولر ^كتر مدرب تطورت مع في الجانب الدفاعي.

 

وكشف أفشة عن حقيقة اعتراضه لعدم مشاركته في المباريات: “محصلش إني خدت شنطتي ومشيت اعتراضًا على عدم مشاركتي فى المباريات”، موضحًا: “من ساعت ما جيت الأهلي مفيش حد زي فايلر”.

 

وأكد: “موسيماني مدرب فني عالي أوي أوي لكنه ركز مع 15 لاعب فقط”.

 

وأشار: “عمري ما أبيع الأهلي، أي حد يتمنى يبقى في الأهلي، الأهلي هو اللي بيصنع أي نجم”.

 

وعن رأيه في فايلر، أوضح: “مفيش حد زي فايلر، كورته وشخصيته وتمرينه وكلامه كل حاجة كان بيعملها حلوة وبيوصلك يعني ايه كورة بمنتهى السهولة، التمرين بتاعه كان كورة سريعة دايمًا كنا بنكسب كل الماتشات معاه في الدوري تلاتة وأربعة”.

 

وأجاب أفشة عن سؤال إبراهيم فايق له “مين أحسن منك في مصر في مركزك؟”، أجاب: “لا مفيش احسن مني أنا احسن لاعب في مصر السنادي”.

 

وكشف أفشة عن امتنانه لسامي قمصان، قائلًا: “في حد لازم اتكلم عنة كابتن سامى قمصان بيساعد كل الناس وبيتكلم مع كل اللاعيب”.

 

 

وتابع: “أنا أفضل لاعب في نهائي الكأس أمام الزمالك سجلت هدف وصنعت التاني لإمام ومش زعلان إن إمام عاشور هو اللي خد الجائزة، (انا في 10 دقايق قلبت الماتش)”.

 

واستكمل: “بعد نهائي القرن لن يوجد نهائي صعب مرة أخرى، وأحلى مباريات تقام في حضور الجماهير مثل الوداد والترجي”.

 

ولفت إلى: “أنا مظلوم بس مش هقول من مين، فيه ناس كتير بتيجي عليا في الكورة، ومش واخد حقي في الملعب، والناس بتدور دلوقت على صاحب اللقطة عشان تديهاله”، منوهًا: “كريم نيدفيد من انضف الشخصيات في تاريخ الكرة ومش واخد حقه”.استبعاد مبابي من أولمبياد باريس 2024