![صورة تعبيرية](https://alqaednews.com/wp-content/uploads/2024/04/صورة-واتساب-بتاريخ-1445-09-24-في-02.54.38_1d02dac3-780x470.jpg)
كتبت: أمينة علي
عبر الفنان محمود العسيلي، خلال ظهوره مع الإعلامية منى عبد الوهاب في برنامج “ع المسرح” عبر قناة الحياة، عن رأيه في مطربي المهرجانات.
وقال محمود العسيلي خلال لقائه: “أغاني المهرجانات بشكل أو بأخر مبقتش زي الأول، ولكنها من الحاجات اللي بحبها جداً، وفيه مطرب مهرجانات هو رقم واحد على كل المنصات، والمطرب ده ابني بيحبه وحافظ كل أغانيه والجيل الصغير بمختلف الطبقات بيسمعوه وخاصة الناس اللي شبهه، وميعرفوش أغانينا إحنا، والمطرب ده هو عصام صاصا”.
وأضاف: “المهرجانات لون جديد ولكنه مصري أصيل وحاجة بتاعتنا ولون الشارع أوي، وأغاني صاصا رقم واحد على كل المنصات وبقوله أنت ناجح جداً وابني بجد بيحبك وبيسمعك هو وكل أصحابه، وأنت فعلاً رقم واحد ودي حاجه مننكرهاش”.
واختتم “العسيلي” حديثه قائلاً: “مفيش أي تقليل احترام لـ مطربي المهرجانات، بحب الفنان حسن شاكوش جداً ومؤمن بموهبته وعارف أنه جامد جداً، وبالعكس شجعته لما قابلته وطلبت منه يركز في شغله أكتر ونجاحه بأنه يظهر بحاجات مختلفة تكسر الدنيا”.
يذكر أن عصام صاصا، شن هجوماً على محمود العسيلي من خلال تصريحاته مع الإعلامية أميرة بدر في برنامج “أسرار” المقرر عرضه عبر قناة النهار، بعدم معرفته لأسمه على الرغم من تصدره لقوائم المنصات.
مساحة إعلانية