علقت الفنانة لقاء الخميسي على أزمتها مع الفنان خالد سليم قائلة: “مسلسل أبواب الشك كان حقي أحط اسمي قبل خالد سليم، ومضيت من غير ما أعرف أن خالد سليم هو اللي رشحني، وخالد سليم نجم كبير لكن بشوفه مطرب ومغني جامد، لكن أنا أصلي ممثلة، والفرق بينه وبين تامر حسني أنه اتعمله أفلام كتير لسنين، والخناقة غريبة لأنه على مين يمين ومين شمال، وخالد عشرة ومتجوز صاحبتي”.
وقالت لقاء الخميسي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “بقالي سنتين مريحة بفصل، ومش معناه إني مبحبش شغلي، شغلي في راجل وست ستات 11 سيزون مش كسل، لكن أخدت رأي أقرب الناس ليا وقالولي كملي، لكني كنت ضد إني أعمل أكتر من 3 سيزون، وشايفة إني أخد وش القفص وانطلق”.
وأضافت لقاء قائلة: “كبريائي ذكاء عشان مخسرش حاجات في شغلي واضايق، ومخسرتش كتير، وبحب أشوف نفسي مهمة لأني فعلاً مهمة، مبطلبش كتير في الأعمال، ومبحبش حد يعتبرني مش موجودة”.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
مساحة إعلانية