كتبت: أمينة علي
نفت مقدمة البرامج بسنت شمس الدين، خلال لقائها في برنامج ” منّا وفينا” مع المذيعة هبة حيدري عبر قناة المشهد، شائعات ارتباطها بالفنان المغربي سعد لمجرد.
وقالت بسنت شمس الدين خلال لقائها: “أنا من جمهور سعد وسعيت كتير اني اتعرف عليه وأعمل معاه لقاء تلفزيوني، في الوقت اللي محدش قدر يوصله فيه، انا مفيش حاجة بتقف قدامي ولو عايزة حاجة بعملها، وعملت معه أحلى لقاء وطلعنا ترند بشكل كبير جداً”.
وأضافت: “قبل أي حاجة سعد لمجرد إنسان متجوز، وزوجته ريتا صديقتي وأنا لأول مرة هقول الكلام ده على الهواء، وبوجه لها أحلى تحية في الدنيا”.
وتابعت: “زوجته صديقة مقربة ليا جداً، واحنا على تواصل بشكل دائم كل يومين تلاتة بنتكلم، ريتا من أحلى الشخصيات وأطيبها وعمرها ما حست بالغيرة مني، أنا شخص مش متصنع وسعد وريتا كمان وظهوري مع سعد عفوية وكلنا متصالحين مع بعض”.
وأوضحت بسنت شمس الدين: “قبل ما سعد يتجوز ريتا كانت موجودة وأنا أعرفها، يمكن الناس طلعت إشاعات لأننا مش بنظهر مع بعض، أنا وريتا عمرنا ما اتقابلنا وجهاً لوجه، وأنا علاقتي بريتا مع سعد من أول يوم على التليفون طول الوقت”.
يذكر أن بسنت شمس الدين إعلامية مصرية، تعتبر من أنجح الشخصيات في ميدان الإعلام في الوقت الحالي، في جميع أنحاء العالم العربي ودول الخليج.
مساحة إعلانية