![](https://alqaednews.com/wp-content/uploads/2024/01/IMG-20240130-WA0029.jpg)
كتبت: أمينة علي
كشفت الفنانة لبلبة خلال لقائها مع الإعلامية جومانا بو عيد في برنامج “يلا نحكي”، عن انطلاقتها مع المخرج الراحل عاطف الطيب في فيلم “ضد الحكومة”.
وقالت لبلبة خلال لقائها: “انطلاقتي كانت من فيلم ضد الحكومة مع أحمد زكي، والراحل عاطف الطيب، ومن حسن حظي أن عاطف الطيب بيحب يطلع النجوم اللي معروفين ويغير الأدوار”.
وتابعت: ” وشافني في مهرجان وأنا معرفوش كويس، فكنا في مناسبة وكان بيبص لي بتركيز، وأقل من شهر جيت مصر والمنتج سعد شنب كلمني وقالي في دور مرشحك فيه المخرج عاطف الطيب مع أحمد زكي، ولما قرأت الدور خوفت وكنت بقول فيه كلام جريء جدًا، وأحمد زكي لما عرف إني عمل دور المحامية قال له على عيني وراسي بس لبلبة تعمل الدور ضده ، عاطف الطيب قاله هتشوف ، وكأنه متأكد وكسب الرهان”.
واستكملت لبلبة حديثها: “فيلم ضد الحكومة كان أول عمل يجمعني بـ أحمد زكي، وكنا بنصور في المحكمة وفيه أكتر من 100 كومبارس موجودين وشغل صعب، وطلب مني أستاذ عاطف في جملة معينة إن عيني تدمع والدمعة متنزلش، وتنزل في جملة تانية معينة، وقولت يا رب ساعدني إزاي هعمل كدا يمكن الدمعة تنزل مني غصب عني”.
واختتمت حديثها قائلة: “وده كان مشهد صعب جدًا، وعملته من أول مرة ووافقوا عليه ولكن أستاذ عاطف مقالش برافو هايلة وسألت أحمد قولتله هو أنا كنت كويسة، قالي أنت مشوفتيش عملتي إيه، أنت عملتي مشهد عبقري”.
مساحة إعلانية