بعد تعرضه لوعكة صحية.. ياسمين عبدالعزيز تزور أحمد العوضي في المستشفى

كتبت : أمينة علي

 

كشف الفنان أحمد العوضي، خلال مداخلة مع الإعلامي شريف عامر في برنامج يحدث في مصر عبر قناة mbc مصر، عن تطورات حالته الصحية بعد تعرضه لوعكة صحية ونُقل إلى المستشفى.

وقال أحمد العوضي: “الحمد لله رب العالمين، والكلام اللي اتقال كلام كتير وده طبعًا بشوفه حب من الناس، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه”.

وأضاف: “وقلت أنا هتمرن وأشتغل عادي لحد ما حصلي رعشة وروحت للدكتور، وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكره”.

وأوضح “العوضي”: “وأنا وياسمين حالة خاصة جدًا وإحنا قصة كبيرة، والعالم العربي كان معانا قلباً وقالباً والإنفصال تم بطريقة تليق بينا وبحب الناس لينا”.

وتابع: “رغم إننا متطلقين لما سمعت إن أحمد تعب في التصوير، بعتتلي قالتلي أنت كويس وهي أول واحدة قولتلها، وأنا روحت المستشفى لقيت ياسمين داخلة عليا ومسابتنيش لحظة وده مش جديد عليها وحبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم”.

يذكر أن الفنان أحمد العوضي تعرض لوعكة صحية منذ بضعة أيام أثناء تصويره في مسلسل “حق عرب” المقرر عرضه في السباق الرمضاني 2024، وتم نقله للمستشفى.