«ما اتفقناش» الأغنية الدعائية الثانية من فيلم “درويلة” لـ عمرو جابر

كتب: ياسر خالد

طرحت الشركة المنتجة لفيلم “درويلة” الأغنية الدعائية الثانية للعمل، والتى حملت اسم “ما اتفقناش” للمطرب عمرو جابر والتي تحمل طابع موسيقى الدراما والحزن.

جاء ذلك على القناة الرسمية للشركة “بيرد آى” عبر موقع الفيديوهات الشهير يوتيوب، قبل طرحه بدور العرض السينمائى فى مصر والوطن العربى خلال الفترة المقبلة.

وتقؤل كلمات الأغنية الآتي:

ما اتفقناش تكون واحشني و معرفش اكلمك
زي انسان محبوس ف مخه و عايش يرسمك
ليه تسيب ليه يخيب ظني فيك واكلمك
ملقاش رد ليه تصد ليه مانعني افهمك.

أنك كنت الي فات و اللي جي و دلوقت
واني راسم ١٠٠ حكاية لسه مجاش عليها الوقت
واني صعب و انه رعب العمر بعدك و اني اموت
فبعدي عنك ، بس انت سيبت قبلي و سبقت.

كان نفسي أحس أنك حاولت تكسب خاطري حتي مرة
استحملت معاك حاجات و زكريات و حكاوي مُرة
جيت عليا و قولت عادي كنت بتضايق و اداري
بعت نفسي وكنت شاري معاك حياتي ألف مرة.

ما اتفقناش تكون واحشني و معرفش اكلمك
زي انسان محبوس ف مخه و عايش يرسمك
ليه تسيب ليه يخيب ظني فيك واكلمك
ملقاش رد ليه تصد ليه مانعني افهمك.

‎اللي خفت اكسر بخاطره كسرني انا وخاطرى

واللي مشيت عشانه الدنيا ممشيش خطوة واحدة وسابني
اللي حاربت عشانه الناس و الدنيا بحالها بتعارضني
هو هو نفس الانسان اللي فالاخر خذلني.

ليه تبيعني ليه تسيبني وسط زحمة الطريق
ليه تسيبني للبكاء و دموعي اموت فيها غريق
ليه تفوتني وسط ليلي اغني وحدي للحيطان
ليه نسيت زمان ليه نسيت زماااااااان.

يشار إلى أن أغنية “ما اتفقناش” من غناء وكلمات وألحان المطرب عمرو جابر وتوزيع وميكس وماستر محمد خالد الشهير بـ”ديكستر”.

فيلم “درويلة” من بطولة للنجم عمرو عبد الجليل، محمود عبد المغني، آيتن عامر، محمد علي رزق، حسنى شتا، إبرام سمير، مسلم، لبنى ونس، نهال نور وآخرين.

والجدير بالذكر أن الفيلم فكرة وإنتاج محمد دياسطي وإشراف عام أميرة قائد وقصة وسيناريو وحوار لـ محمد دياسطي وعبد الرحمن فتحي وإخراج معوض إسماعيل.