علقت الدكتورة هبة قطب، على أزمة ابنتها التي أثارت الجدل خلال الفترة الماضية بسبب عدم سماح أحد القرى السياحية لها بـ ارتداء البوركيني (المايوه الشرعي)، بجانب حديثها عن اهتمامها في الوعية الجنسية بحياة بناتها، وتأثير الختان.
وقالت هبة قطب خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب: مكانتش راحت وصاحبتها قالت لها اكتشفت أن ممنوع نلبس المايوه الطويل وهو مش اختراع إسلامي ده اختراع برازيلي علشان عندهم نسبة سرطان الجلد عالية جدًا بسبب الشمس، وبنتي رافضة تسميه مايوه المحجبات اسمه المايوه الطويل، ولما طلعت أنا وبنتي بنتكلم الناس قالوا دي عايزة تركب التريند، طيب هنركبه إزاي؟ أنا بنتي كانت مخنوقة جدًا وبتعيط وطلعت قالت خاطرة.
وتابعت: كل مرحلة في حياة ولادي كان لها توعية ونفعت، وكان في حوار مفتوح طول الوقت ومكنش في خطوط حمراء في الحوار بينا، لأنه الطفل لما بيسأل سؤال بيكون مستعد لتلقي إجابته، والقاعدة التانية لما تدي الإجابة بالتدريج، في شوية قواعد لما بتطبق بتريح.
أما عن تصريحاتها بشأن ختان الإناث، فعلقت هبة قطب قائلة: ختان الإناث ده جريمة والاجتزاء ده أنا ضده تمامًا، إزاي نقطع عضو عامل في جسد أي بني آدم؟، لكن هل ختان الإناث بيؤثر على المتعة الجنسية عندهم؟ لأ مبيأثرش، زي اللي هنقطع له عقلة الإصبع مش هتأثر على متعته الجنسية ولا شغله ولا الحياة، ولكن مش من حقي اقطعها.
وأضاف: التأثير بيبقى نفسي وإحساس العجز ممكن يلزمها بقيت حياتها، وممكن تكره أمها العمر كله لأنها كانت شريكة في ده، وممكن تبقى عنده عقدة من الاقتراب من هذه المنطقة، ولكن عضويًا لا يؤثر خاصة وأن الطريقة المتبعة في مصر سطحية، والعفة في الأخلاق مش في المكان ده.
وأردفت: المجتمع العربي محتاج توعية كبيرة في الطب الجنسي، وأنا عندي رسالة والأطفال بقوا يفهموا أكتر من الكبار في الموضوع ده، أنا ممنعش من حاجة ولكن وظيفتي أقولك إيه اللي صح وإيه اللي غلط، ولكن في بيتي إحنا عندنا سقف الحرام، إزاي نشوف عورات غيرنا؟.
مساحة إعلانية