![](https://alqaednews.com/wp-content/uploads/2023/01/FB_IMG_16744185541374840.jpg)
كشف مرتضى منصور رئيس مجلس إدارة نادي الزمالك عن مصير إستقالة نجله أمير مرتضى، الذي شيع مساء أمس الأحد عقب خسارة الزمالك أمام الأهلي بثلاث.
وخسر الزمالك أمام الأهلي بثلاثية نظيفة سجل الأهداف كلا من، محمود كهربا وثنائية لمحمد شريف في مباراة شهدت سيطرة كاملة من جانب الأهلي.
ودخل أمير مرتضى مع مرتضى منصور في نقاش حاد وساخن بخصوص بقاء فيريرا مع الزمالك لما يعانيه الفريق الأول من خسائر متكررة في الأونة الأخيرة.
كما أبدى مرتضى منصور رغتبه في رحيل فيريرا بعد تراجع أداء الفريق في الفترة الأخيرة والذي دفع أمير لتقديم إستقالته محتجا على ذلك القرار.
وتحدث مرتضى منصور خلال مؤتمر صحفي ضم مجلس ادارة الزمالك” عملنا استبيان وخرجت أنا وأحمد وأمير علشان كل واحد يقول رأيه بصراحة وبإجماع الآراء تم رفض استقالة أمير وتم تحديد مصير فيريرا تسعة مقابل واحد”
وقال مرتضى أن أمير قدم استقالته وكان مصر عليها لأنه يحب الفريق ويغار عليه.
وأكمل ” فيريرا معاه أفضل فريق في مصر بس احنا اللي بنخسر نفسنا، الكورة مكسب وخسارة وتعادل شىء طبيعي بس اللي مش طبيعي اننا نخسر نفسنا ”
وأضاف ” الفريق مسيطر 60 دقيقة أول مبدأ التبديلات الفريق اتشلقب ازاي دا، شيل شيل ونبص نلاقي تلت أهداف ”
وواصل” مصير فيريرا سواء بالبقاء أو الرحيل تم تحديده لكن لن يتم الكشف عنه إلا بعد ماتش فاركو ”
وأردف” الواد الهارب الصايع دا اللي عمل حركات قليلة الأدب للاعيبه، انت هارب واحنا قدمنا شكوى ومنتظرين الرد عليها، بس انت قليل الأدب ورئيس ناديك كمان قليل الأدب اللي يسمح للاعب يبقى كدا يبقى مش محترم يا نادي القيم والمبادىء”
وواصل” أنا عاوز أعرف لي ياحازم أمام أنت وأيمن يونس مقولتوش على كهربا هارب علشان خوفتو وعماد متعب دا اللي عمال يخرف ومش عارف هو بيفتي يقول اي”
وأكد”ياسيد عبد الحفيظ أنت ورئيس ناديك واجهني رياضة بلاش الشغل اللي كله عارفه دا، دي الكورة كانت بتمشي لوحدها وخبطت في القايم لوحدها”
وقال” انا بقول لجماهير الزمالك المحترمه تقف جمب النادي واللي بيحب النادي ميقعدش يتكلم على الصفقات، كل لما تتكلمو عليا السعر بيزيد اضعاف متتكلموش إلا لما الصفقات تتم”
واختتم” يانادي القيم والمبادىء لما لاعيب يطلع يعمل حركات زي دي المفروض يتعاقب أنا لو لاعب عندي عمل كدا هيتعاقب وهطلع اعتذر لجماهير والنادي أنا لما أحمد جمال تطاول على العامري فاروق طلعت شخصيا اعتذرت”
مساحة إعلانية