في البداية أحب أوثق هذا الموضوع باعتباره موضوع مهم جداً، ممكن يكون بسيط بالنسبة لناس كتير و لكن في الحقيقة له تأثير سلبي كبير، ألا وهو الأذى النفسي، خلي بالك أن الأذى النفسي تأثيره أسوء من الأذى العضوي بكتير وأوقات كتير مبيبقاش ليه علاج، الأذى النفسي له أكتر من شكل و أكتر من صورة، من أقل كلمة ممكن تشقلب حالك و تكرهك في حياتك و ممكن كلمة تخليك أسعد إنسان في الدنيا، ممكن تصرف من حد قريب منك يضايقك و يسببلك أذى وعدم ثقة في نفسك و يهزك من جواك، ممكن الغيرة كمان تسببلك أذى نفسي، فعوامل الأذى النفسي كتير جدا و نهايتها بتوصلك للاكتئاب و أوقات نهايتها بتكون الإنتحار، فلازم نخلي بالنا من كلامنا ونحسب كل كلمة وكل تصرف طالعين مننا ونتأكد إنك ممكن تغير حياة بني آدم بكلمة واحدة !
إقرأ أيضاً: ” العدل يرفرف في السماء ” جنايات المنصورة تقضي بالإعدام لقاتل شهيد لقمة العيش
ونصيحتي للناس اللي تآذو نفسيا، ماتخدش في بالك و متشلش في قلبك وخرج نفسك من دائرة الاكتئاب لإن محدش هيخرجك منها غيرك إنت، شوف انت بتلاقي سعادتك فين وروحلها سواء كان سفر أو تخرج مع صحابك أو تشتغل أو أي كانت الطريقة اللي ممكن تواجه بها الأذى،
و صدقوني الحياة مش مستاهلة الكره أو الحقد أو الذم أو النم، أنت في الدنيا دي لسبب معين فمتركزش مع كلام الناس وشوف حالك أحسن …
Visits: 3
مساحة إعلانية
مساحة إعلانية