كريم الحسيني ممثل مصري خريج المعهد العالي للفنون المسرحية شارك في عدد كبير من الأعمال الفنية منذ صغر سنه حيث شارك في الأعمال الفنية المتنوعة ما بين الدراما التليفزيونية والسينما والمسرح فمن الأعمال التلفزيونية الخفافيش، المرأة في الإسلام، مملكة الجبل، ومن الأعمال السينمائية شمس الزناتي، اللعب مع الكبار، المولد، سمع هس أما عن الأعمال المسرحية فمنها حديثا زقاق المدق وأيضاً خطة كيوبيد.
الفنان كريم الحسيني في ضيافة القائد نيوز وجاء نص الحوار كالتالي؛-
-كيف تم ترشيحك للدور؟
أنا ومخرج العرض أحمد فؤاد ومؤلف العمل المسرحي عبد الله الشاعر أصحاب جدا من 2006 نفسنا دايما يبقى في شغل بينا الفترة الأخيرة قولتله مش هينفع كده لازم يبقى في بينا شغل وتعاون.
ولما حصل التعاون ده كان الوقت ضيق بسبب عرض مسرحية زقاق المدق والتجربة كانت قاسية مع زقاق المدق والقاسي أكتر إني ببقى فاتح الاتنين مع بعض زقاق المدق وخطة كيوبيد وأنا مستمتع جدا باللي حاصل.
-هل في إنفصال بين الشخصيتين سواء في زقاق المدق أو خطة كيوبيد؟
طبعا في إنفصال بين الشخصيات، العملين بعاد عن بعض تماماً في أكتر من ناقلة هنا وأكتر من تغيير فبعد متخلص العرض وتروح لعرض تاني كبير مدته ثلاث ساعات وفي أستعراضات وشخصيات مختلفة.
–هل في تأثير على شخصيتك بسبب تقديمك لأكثر من عمل؟
أثرت علي أنا نفسيا وجسديا لكن النتيجة اللي طلعت وحب الجماهير للعمل دي حاجة تسعدني والنتيجة اللي طلعت إن قدمت شخصيتين عكس بعض.
-إزاي قدرت تفصل بين الشخصيتين في وقت واحد؟
دراستي أنا خريج المعهد العالي للفنون المسرحية ف ده يبقى ليه مفردات وده بيكون ليه مفردات ودا قمة الاستمتاع إنك تقدر تقدم عملين مختلفين بشخصيات متعددة ومختلفة، وده في قمة النجاح ده اللي درسناه في المعهد إنك تقدر تقدم أكتر من شخصية فنفس الوقت.
–رأي حضرتك إيه في رد فعل الجمهور بعد الانتهاء من العرض؟
أجمل و أحلى حاجة لأن دي الطبطبة اللي بناخدها من الناس لإننا بناقش قضية مهمة أوي الروتين الزوجي وتيمة الحب ونقاش القضية في كل بلد لأن تيمة الحب واحدة والرسالة واحدة في كل بلد العلاقة هو الحب بجد حب صادق وحب متين لأن الصادق بيكون سبب في تكملة الحياة.
إقرأ أيضا: الذهب بين ارتفاع وتراجع تعرف على سعر الذهب اليوم
والجدير بالذكر أن خطة كيوبيد لمجموعة من الفنانين على رأسهم كريم الحسيني، وعبد المنعم رياض، أمنية حسن، نوال سمير إخراج أحمد فؤاد وتأليف عبد الله الشاعر.
وتدور القصة حول أهمية الحب ومناقشته بشكل مختلف ومن زوايا مختلفة حتى تتم معالجة القضية بشكل محترف وتوصيل الرسالة كاملة للجمهور.
Views: 0
مساحة إعلانية
مساحة إعلانية