“ضحى” فتاة مصرية تعمل في الديلڤري، سُميت بأسرع ديلڤري في مصر، فتاة مكافحة اقتحمت عالم الرجال، وثبتت جدارتها وبقوة ..
“ضحى محمد” هي أيقونة للسيدات والفتيات في مصر والوطن العربي، وبالرغم من ذلك واجهت “ضحى” البعض من الانتقادات عندما قامت بشراء الأسكوتر لتقوم برحلتها في العمل.
قيل لها (الديلفري مش بيكسب) وفي ذلك الوقت “ضحى” استعدت لإستكمال رحلتها في عالم الكفاح والعمل، وأخذت الكثير من الجوائز وشهادات التكريم، وتم توثيق صفحتها بأسم “اسرع ديلفري في مصر”.
تحدثت “ضحى الدليڤري” عن تكريمها من السفير السويدي، ومن مجلة أحكي بالسفارة السويدية..
حيث نشرت “ضحى”عبر صفحتها على موقع التواصل الاجتماعي “الفيس بوك”.
“النهاردة تم تكريمي في السفارة السويدية من السفير السويدي
ومستر حليم وأستاذة ناميس من صفحة أحكي، اتكرمت كبنت من ضمن 22 سيدة مصرية مؤثرة لسنة 2022.
اتبسطت جداً جداً بالتكريم بجد أنا فرحانه إني موجودة ووسط سيدات كتير تشرف اسم مصر”.
حيث بادرت بشكرها لجميع الصفحات والمبادرات
التي تهتم أنها تظهر النماذج الناجحة والمؤثرة في المجتمع من السيدات..
لم تكتفي “ضحى ديلڤري” بشرح جائزتها بل تقدمت بالنصيحة موجهه للفتيات عبر صفحتها الخاصة بها ..
“نصيحة لكل البنات علشان دائماً البنات محطوطه في قالب معين في مجتمعنا أنا عاوزاكي تحلمى وأوعى تبطلي تحلمي خلي سقف طموحك عالي أوي مهما الناس عارضتك لإن بنسبة كبيرة الإختلاف بتبقى حاجه مميزة وممكن كمان الإختلاف ده يطلع مواهبك ويبني مستقبلك إنتي اللي بتبقى عارفه إنتي عاوزة ايه مش الأخرين أنا فرحانه إني قدرت أثبت لكل الناس إن البنت تقدر تشتغل أي شغلانه حتى لو شغلانه راجل في اللي يقدر وفي اللي ميقدرش وأنا قدرت وعافرت ونجحت ومبسوطه إن في فئه كبيره من البنات حبت الدليڤري بسببي ربنا يوفقكم جميعا ويرزقكم من حيث لا تحتسبوا أنتم أجمل عائلة أسرع دليفري في مصر ضحى ديلڤري”.
سألوا متابعين “ضحى” أو “فتاة الدليڤري”
هل ممكن في المستقبل تغيري شغلانتك ؟
جاوبت ضحي ” لا الموضوع مش متوقف علي إني بشتغل ديلڤري بس، أنا دلوقتي بقيت بسعى لتطوير فكرة الديلڤري ومن زمان نفسي افتح شركة شحن، ولسه الموضوع في دماغي جداً، ونفسي أوفر فرص عمل للبنات، دايماً البنات محطوطه في قالب معين مكتب، أو أي شغلانة لأن البنات شاطرة حتى لو اشتغلت شغلانة راجل، في تطورات حديثة مع الزمن على عكس زمان، البنت دلوقتي تقدر تطور من نفسها”.
Visits: 0
مساحة إعلانية
مساحة إعلانية